मोहिमेत २५ हजारांहून अधिक जणांचा सहभाग आयटी पार्कमध्ये सुमारे पाच लाख आयटी कर्मचारी काम करतात. आयटी पार्कमधील नागरी समस

मोहिमेत २५ हजारांहून अधिक जणांचा सहभाग
आयटी पार्कमध्ये सुमारे पाच लाख आयटी कर्मचारी काम करतात. आयटी पार्कमधील नागरी समस्या सोडविण्यासाठी त्याचा समावेश पिंपरी-चिंचवड महापालिकेत करावा, अशी मागणी फोरम फॉर आयटी एम्प्लॉइज महाराष्ट्र संघटनेने केली असून, यासाठी ऑनलाइन स्वाक्षरी मोहीम सुरू केली आहे. आतापर्यंत २५ हजारांहून अधिक आयटीयन मोठ्या प्रमाणात या मोहिमेत सहभागी होत असून, याबाबत मुख्यमंत्र्यांकडे मागणी केली जाणार आहे.

पिंपरी-चिंचवड महापालिकेत समाविष्ट झालेल्या गावांची स्थिती सध्या काय आहे, हे आधी पाहावे आणि त्यानंतर ही मागणी करावी. पिंपरी-चिंचवड महापालिकेत समावेश करण्यास आमचा तीव्र विरोध आहे. ग्रामपंचायतीने याबाबत गेल्या वर्षी ठरावही केला होता. आयटी पार्क परिसरासाठी स्वतंत्र नगरपालिका करावी, अशी आमची मागणी आहे. – अर्चना आढाव, सरपंच, माण

आयटी पार्कचा समावेश पिंपरी-चिंचवड महापालिकेत करण्यास आमचा विरोध आहे. त्याऐवजी आयटी पार्क परिसरातील पाच गावांची स्वतंत्र नगरपालिका करावी. तरीही आम्ही पुढील आठवड्यात ग्रामसभा घेऊन त्यात याबाबतचा ठराव मांडणार आहे. त्या वेळी लोक जो कौल देतील त्याप्रमाणे निर्णय घेतला जाईल. – गणेश जांभूळकर, सरपंच, हिंजवडी

First published on: 03-07-2025 at 11.07 IST