ਕਵਰੇਜ ਦੌਰਾਨ ਪੱਤਰਕਾਰ ਜਗਦੀਪ ਸਿੰਘ ਥਲੀ ਨਾਲ ਗੁੰਡਾਗਰਦੀ ਕਰਨ ਵਾਲੇ ਖਿਲਾਫ ਫਗਵਾੜਾ ਪੁਲਿਸ ਪ੍ਰਸ਼ਾਸਨ ਸਖਤ ਕਾਰਵਾਈ ਕਰੇ

ਰੂਪਨਗਰ 12 ਮਾਰਚ ( ਪਿਊਸ਼ ਤਨੇਜਾ )ਅੱਜ ਰੂਪਨਗਰ ਵਿੱਚ ਸਤਲੁਜ ਪ੍ਰੈਸ ਕਲੱਬ ਦੇ ਸੀਨੀਅਰ ਪੱਤਰਕਾਰਾਂ ਦੀ ਮੀਟਿੰਗ ਵਿੱਚ ਕਲੱਬ ਦੇ ਸਾਥੀ ਪੱਤਰਕਾਰ ਜਗਦੀਪ ਸਿੰਘ ਥਲੀ ਨਾਲ ਫਗਵਾੜਾ ਵਿਖੇ ਕਵਰੇਜ ਦੌਰਾਨ ਹੋਈ ਸਾਰੀ ਘਟਨਾ ਬਾਰੇ ਜਾਣਕਾਰੀ ਹਾਸਿਲ ਕੀਤੀ ਅਤੇ ਕਵਰੇਜ ਦੌਰਾਨ ਪੱਤਰਕਾਰ ਜਗਦੀਪ ਸਿੰਘ ਥਲੀ ਤੇ ਉਹਨਾਂ ਦੇ ਸਹਿਯੋਗੀਆਂ ਨਾਲ ਜੋ ਗੁੰਡਾਗਰਦੀ ਢਾਬਾ ਮਾਲਕ ਤੇ ਉਸਦੇ ਕਰਿੰਦਿਆਂ ਨੇ ਕੀਤੀ ਉਸ ਦੀ ਨਿਖੇਦੀ ਕਰਦੇ ਹੋਏ ਸਤਲੁਜ ਪ੍ਰੈਸ ਕਲੱਬ ਦੇ ਪ੍ਰਧਾਨ ਅਤੇ ਸਮੂਹ ਮੈਂਬਰਾਂ ਨੇ ਇੱਕ ਸੁਰ ਵਿੱਚ ਕਿਹਾ ਕਿ ਇਹ ਵਤੀਰਾ ਬਰਦਾਸ਼ਤ ਯੋਗ ਨਹੀਂ ਕਿ ਕੋਈ ਲੋਕਾਂ ਦੀ ਲੁੱਟ ਕਰ ਰਿਹਾ ਹੋਵੇ ਤੇ ਜੇਕਰ ਪੱਤਰਕਾਰ ਉਸ ਨੂੰ ਉਜਾਗਰ ਕਰਨ ਦੀ ਕੋਸ਼ਿਸ਼ ਕਰੇ ਤਾਂ ਉਸ ਨਾਲ ਗੁੰਡਾਗਰਦੀ ਤੇ ਬਦਮਾਸ਼ੀ ਕੀਤੀ ਜਾਵੇ।
ਉਹਨਾਂ ਕਿਹਾ ਕਿ ਪੱਤਰਕਾਰਾਂ ਤੇ ਉਗਲਾਂ ਚੁੱਕ ਕੇ ਮੁਲਜ਼ਮ ਆਪਣੇ ਆਪ ਨੂੰ ਸਹੀ ਸਾਬਿਤ ਕਰਨ ਦੀ ਕੋਸ਼ਿਸ਼ ਵਿੱਚ ਹੁੰਦਾ ਹੈ ਪਰ ਉਸਦੇ ਖਿਲਾਫ ਜੋ ਅੱਜ ਅਨੇਕਾਂ ਲੋਕ ਆਵਾਜ਼ ਚੁੱਕ ਰਹੇ ਹਨ ਪ੍ਰਸ਼ਾਸਨ ਨੂੰ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਜੋ ਉੱਥੇ ਲੋਕਾਂ ਦੀ ਲੁੱਟ ਖਸੁੱਟ ਹੋ ਰਹੀ ਸੀ ਉਸ ਢਾਬਾ ਮਾਲਕ ਦੇ ਖਿਲਾਫ ਸਖਤ ਤੋਂ ਸਖਤ ਕਾਰਵਾਈ ਕਰਨੀ ਚਾਹੀਦੀ ਹੈ। ਢਾਬਾ ਮਾਲਕ ਨੇ ਗੁੰਡਾਗਰਦੀ ਪੱਤਰਕਾਰ ਜਗਦੀਪ ਸਿੰਘ ਥਾਲੀ ਤੇ ਉਹਨਾਂ ਦੇ ਸਹਿਯੋਗੀਆਂ ਨਾਲ ਕੀਤੀ ਹੈ। ਉਸ 'ਤੇ ਵੀ ਵੀ ਸਖਤ ਤੋਂ ਸਖਤ ਧਾਰਾਵਾਂ ਤਹਿਤ ਪਰਚਾ ਦਰਜ ਹੋਣਾ ਚਾਹੀਦਾ, ਅਤੇ ਜੇਕਰ ਪ੍ਰਸ਼ਾਸਨ ਇਸ ਵਿੱਚ ਕੋਈ ਢਿੱਲੀ ਜਾਂ ਕੰਮ ਚਲਾਊ ਕਾਰਵਾਈ ਕਰਦਾ ਹੈ ਤਾਂ ਸਾਰੇ ਹੀ ਪੱਤਰਕਾਰ ਸਾਥੀ ਇਸ ਖਿਲਾਫ ਆਵਾਜ਼ ਬੁਲੰਦ ਕਰਨਗੇ, ਸਾਰੇ ਹੀ ਪੱਤਰਕਾਰ ਸਾਥੀਆਂ ਨੇ ਕਿਹਾ ਕਿ ਰੂਪਨਗਰ ਜਿਲੇ ਦੇ ਸਮੂਹ ਪੱਤਰਕਾਰ ਸਾਥੀ ਜਗਦੀਪ ਸਿੰਘ ਥਾਲੀ ਦੇ ਨਾਲ ਖੜੇ ਹਨ ਤੇ ਕਿਸੇ ਵੀ ਤਰ੍ਹ ਦਾ ਧੱਕਾ ਪੱਤਰਕਾਰ ਸਾਥੀ ਨਾਲ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ। ਇਸ ਮੌਕੇ ਪੱਤਰਕਾਰ ਸਾਥੀ ਜਗਦੀਪ ਸਿੰਘ ਥਾਲੀ,ਸਤਲੁਜ ਪ੍ਰੈਸ ਕਲੱਬ ਪ੍ਰਧਾਨ ਸਰਬਜੀਤ ਸਿੰਘ, ਜਰਨਲ ਸਕੱਤਰ ਸ਼ਮਸ਼ੇਰ ਬੱਗਾ, ਸੀਨੀਅਰ ਪੱਤਰਕਾਰ ਵਿਜੇ ਕਪੂਰ, ਸੀਨੀਅਰ ਪੱਤਰਕਾਰ ਮਨਜੀਤ ਸਿੰਘ ਲਾਡੀ ਖਾਬੜਾ, ਸੀਨੀਅਰ ਪੱਤਰਕਾਰ ਦਰਸ਼ਨ ਸਿੰਘ ਗਰੇਵਾਲ, ਸੀਨੀਅਰ ਪੱਤਰਕਾਰ ਦਵਿੰਦਰ ਸ਼ਰਮਾ ਤੇ ਹੋਰ ਮੌਜੂਦ ਸਨ।