क्रिएटिव्ह विश्वातील नवे बादशाह.

*भारतीय जाहिरात क्षेत्रात लिओ बर्नेटचा दबदबा! ओगिल्वी दुसऱ्या स्थानावर, टॉप ५ मध्ये कोण कोण?*
संदिप कसालकर
भारतातील क्रिएटिव्ह जाहिरात विश्वात मोठी उलथापालथ! कॅम्पेन ब्रीफ आशिया इंडियाच्या क्रिएटिव्ह रँकिंगमध्ये लिओ बर्नेटने अव्वल स्थान पटकावले आहे, तर ओगिल्वी दुसऱ्या क्रमांकावर आहे.

लिओ बर्नेटची ऐतिहासिक झेप!

गेल्या वर्षी चौथ्या, तर २०२२ मध्ये आठव्या स्थानावर असलेली लिओ बर्नेट यंदा थेट पहिल्या क्रमांकावर पोहोचली, २९९० क्रिएटिव्ह पॉइंट्ससह! त्यांनी कान्स लायन्स, वन शो, क्लिओ, स्पाइक्स आशिया आणि अॅडफेस्टसारख्या मोठ्या पुरस्कारांमध्ये धडाकेबाज कामगिरी केली. त्यांच्या गाजलेल्या मोहिमांमध्ये ‘गेटोरेड टर्फ फाइंडर’, ‘एअरटेल १७५ रिप्लेइड’, ‘ओरियो #ब्रिंगबॅक२०११’ आणि ‘लेज स्मार्ट फार्म’ यांचा समावेश आहे.

ओगिल्वी कायम टॉप २ मध्ये!

ओगिल्वी इंडिया सलग दुसऱ्या स्थानावर राहिली असून, त्यांनी एलआयए, वन आशिया, कान्स, वन शो आणि डी&एडी यांसारख्या प्रतिष्ठित मंचांवर प्रभावी कामगिरी केली. ‘ब्रूक बॉण्ड ताज महाल टी – मेघ संतूर’ आणि ‘व्होडाफोन – व्ही ह्युमन नेटवर्क टेस्टिंग नेटवर्क’ या मोहिमांनी त्यांना टॉप ५ मध्ये मजबूत स्थान मिळवून दिले.

टॉप ५ यादीत आणखी कोण?

➡ DDB मुद्रा मुंबई – सलग तिसऱ्या वर्षी तिसऱ्या स्थानी
➡ VML इंडिया – उल्लेखनीय प्रगती करत चौथ्या स्थानी
➡ McCann वर्ल्डग्रुप इंडिया – नवव्या स्थानावरून थेट पाचव्या स्थानावर झेप

क्रिएटिव्ह विश्वातील नवे बादशाह!

लिओ बर्नेटच्या गौरव कुमार, इंद्रजीत कदम, कैझीन वानकाडिया आणि ऋतुजा घाडगे यांनी सर्वाधिक ८९५ पॉइंट्स मिळवत टॉप क्रिएटिव्ह लिस्टमध्ये स्थान मिळवले आहे.

भारतीय जाहिरात विश्वाला वेगळी ओळख देणाऱ्या या एजन्सींची पुढील वाटचाल पाहणे रोमांचक ठरणार आहे..!!
- संदीप कसालकर ( संपादक: KYA NEWS)