આપઘાત: ડીસામાં ટ્રેન નીચે પડતું મૂકી મહિલાનો આપઘાત

ડીસામાં ભોપાનગર ફાટક પાસે ટ્રેન નીચે પડતું મુકી મહિલાનો આપઘાત કરતાં ચકચાર મચી ગઈ છે.પોલીસે વાલીવારસોની શોધખોળ હાથ ધરી છે.
આ અંગેની વિગત મુજબ ડીસાના ભોપાનગર ફાટક પાસે સોમવારે રાત્રે 11:00 વાગ્યે 50 વર્ષીય મહિલાએ ટ્રેન નીચે જંપલાવતાં ઘટના સ્થળે જ મોત થયું હતું. આ ઘટનાની માહિતી મળતા જ સ્થાનિક પોલીસે સ્થળ પર પહોંચી તપાસ હાથ ધરી હતી.
જોકે મહિલાના વાલી વારસોનો પત્તો લાગ્યો ન હતો. જો કોઇને આ ઘટનાની સંબંધિત માહિતી મળી હોય અથવા વિડીયો ફૂટેજ મળતું હોય તો તે પોલીસને આપવા માટે જણાવવામાં આવ્યું છે.