ନିଜ ଜୀବନ ବଞ୍ଚାଇବାକୁ କୁକୁର ମାଗୁଛି ସାହାଯ୍ୟ. ଉଦ୍ଧାର କରିବା ପାଇଁ ଅଗ୍ନିଶମ ବାହିନୀଙ୍କୁ ଅନୁରୋଧ.

ଲାଞ୍ଜିଗଡ଼,(AIMA):ନିଜ ଜୀବନ ବଞ୍ଚାଇବାକୁ ଦୁଇ କୁକୁର ମାଗୁଛନ୍ତି ଲୋକଙ୍କ ସାହାଯ୍ୟ। ସୂଚନା ଅନୁସାରେ ଚଳିତ ବର୍ଷରେ ଲୋକେ ବିଭିନ୍ନ ସ୍ଥାନ ଗୁଡ଼ିକରେ ନବବର୍ଷ ପାଳନ କରିବା ପରେ କୌଣସି ଲୋକ ଅନ୍ୟାନ୍ୟ ସାମଗ୍ରୀ ନେଇଁ ସେଠାରେ କିଛି ଖାଲି ପ୍ଲାଷ୍ଟିକ ଡବା ଛାଡ଼ି ଦେଇଥିଲେ। ସେହି ସ୍ଥାନ ମାନଙ୍କୁ ଫିଙ୍ଗା ଫୋପଡ଼ା ଖାଦ୍ୟ ଖାଇବା ଲୋଭରେ ଦୁଇଟି କୁକୁର ମୁଣ୍ଡରେ ଲାଗିଯାଇଛି ପ୍ଲାଷ୍ଟିକ ଡବା। ଦୁଇ କୁକୁରଙ୍କ ମୁଣ୍ଡ ସମ୍ପୂର୍ଣ ପଶି ଯାଇ ତଣ୍ଟିରେ ଲାଗି ଥିବା ଫଳରେ କିଛି ଦିନ ହେଲାଣି ସେହି କୁକୁର ମାନେ କୌଣସି ଖାଦ୍ୟ ଖାଇପାରୁନାହାନ୍ତି। ଯାହା ଫଳରେ ଭୋକରେ ମୃତ୍ୟୁ ମୁଖରେ ପଡିପାରନ୍ତି ବୋଲି ଆଶଙ୍କା କରାଯାଉଛି। ଏହିପରି ଦୃଶ୍ୟ ଦେଖିବାକୁ ମିଳିଛି ଲାଞ୍ଜିଗଡ଼ ବ୍ଲକ ଉପାନ୍ତ ଅଞ୍ଚଳ କୁମଖାଳ ଗ୍ରାମପଞ୍ଚାୟତ ଅଞ୍ଚଳରେ। ଉକ୍ତ ଦୁଇ କୁକୁର ଏପରି ଅବସ୍ଥାରେ ଥିବା ଦେଖିବା ପରେ ତାଙ୍କୁ ଧରି ମୁଣ୍ଡ ତଥା ତଣ୍ଟିରେ ଲାଗିଥିବା ପ୍ଲାଷ୍ଟିକ ଡବା କାଢ଼ି ଦେବାପାଇଁ ସ୍ଥାନୀୟ ଯୁବକ ମାନେ ବହୁତ ଚେଷ୍ଟା କରିଥିଲେ ହେଁ ସଫଳ ହୋଇପାରିନାହିଁ। ତେଣୁ ଯଥା ସମ୍ଭବ ଉକ୍ତ ଦୁଇ କୁକୁରକୁ ଘୋଡାଇ ଧରି ତାଙ୍କ ମୁଣ୍ଡରେ ଲାଗିଯାଇଥିବା ଜିନିଷକୁ କାଡ଼ି ଦିଆଗଲେ ବଞ୍ଚିପାରନ୍ତେ ବୋଲି ସ୍ଥାନୀୟ ଯୁବ ତଥା ଅଞ୍ଚଳବାସୀଙ୍କ ପକ୍ଷରୁ ଅଗ୍ନିଶମ ବିଭାଗକୁ ଅନୁରୋଧ କରାଯାଉଛି।