नौदलाच्या स्पीड बोटीची प्रवासी बोटीला धडक...

अलिबाग | गेट वे ऑफ इंडिया येथून एलिफंटाच्या दिशेने जाणार्‍या ‘नीलकमल’ या प्रवासी बोटीला नौदलाची स्पीड बोट धडकून झालेल्या भीषण दुर्घटनेत १३ जणांचा मृत्यू झाला आहे. यामध्ये १० प्रवाशांसह तीन नौदलाच्या कर्मचार्‍यांचा समावेश आहे. दोन व्यक्ती गंभीर जखमी आहेत. त्यांच्यावर नौदलाच्या रुग्णालयामध्ये उपचार सुरु आहेत.

११ नौदलाच्या स्पीड बोट आणि ४ हेलिकॉप्टरच्या माध्यमातून सुमारे १०१ जणांची सुखरूप सुटका करण्यात आली असल्याची माहिती मुख्यमंत्री देवेंद्र फडणवीस यांनी दिली आहे. गेट ऑफ इंडियाजवळ बुधवारी (१८ डिसेंबर) दुपारी ३.५० वाजता ही दुर्घटना घडली. नौदलाच्या बोटीला नवीन इंजिन लावले होते. त्या इंजिनाची चाचणी घेतली जात होती. त्या चाचणीच्या वेळी इंजिनमध्ये बिघाड झाला.