🔗सोयाबीन चोरी करणारे ८ आरोपी जेरबंद...

Radhakisan Pandurang Kshirsagar, Ahmadnagar, Maharashtra (MH)
19/12/2024 10:38 AM

अहिल्यानगर अपडेट

जामखेड तालुक्यात सोयाबीन चोरी करणारे आठ संशयित आरोपी स्थानिक गुन्हे शाखेच्या पथकाने धाराशिव येथून ताब्यात घेतले. त्यांच्याकडून ६ लाख २९ हजार रुपयांचा मुद्देमाल हस्तगत करण्यात आला. याबाबत संबंधित आरोपींना खर्डा पोलिसांच्या ताब्यात देण्यात आले आहे. दादाराव शामराव शिंदे (वय ५०), अनिल भिमराव शिंदे, संजय सुभाष पवार, सुनील भिमराव शिंदे, विशाल दादाराव शिंदे, शंकर विलास शिंदे, आदिनाथ आबा शिंदे, (सर्व रा.मांडवा, ता.वाशी, जि.धाराशीव), शंकर लगमन काळे (रा.कन्हेरवाडी, ता.कळंब, जि.धाराशिव), असे ताब्यात घेतलेल्या आरोपींची नावे आहेत.

👉 *पाच गुन्हे उघड*
जामखेड तालुक्यातील नायगाव, झिक्री व राजुरी परिसरातून सोयाबीनच्या चोरी झाल्या बाबतचा गुन्हा खर्डा पोलीस ठाण्यात गुन्हा दाखल करण्यात आला होता. या घटनेसंदर्भात स्थानिक गुन्हे शाखेचे पोलीस निरीक्षक दिनेश आहेर यांना मिळालेल्या माहितीनुसार गुन्हे शोध पथकाने सापळा रचून आरोपींना धाराशिव येथून ताब्यात घेण्यात आले.

श्री. राधाकिसन क्षीरसागर
राज्य प्रतिनिधी,
ऑल इंडिया मीडिया असोसिएशन,
महाराष्ट्र.

0 views