सोयाबीन चोरी करणारी टोळी अवघ्या २४ तासात पकडली ; आरोपिंकडून मुद्धेमाल केला जप्त.

सोयाबीन चोरी करणारी टोळी अवघ्या २४ तासात पकडली ;
आरोपिंकडून मुद्धेमाल केला जप्त.
परतूर (प्रतिनिधी) :-
भाऊसाहेब पाटील मुके -
दिनांक २६/११/२४ रोजी परतूर येथील साईबाबा चौक येथील फिर्यादी सुदर्शन प्रभाकर कातारे रा. चिंचोली यांच्या गोडाऊन चे शटर उचकटून आत मध्ये ठेवलेले सोयाबीनचे २२ पोते किंमत ५०,४००/- रु. माल अज्ञात आरोपीने चोरून नेले होते. या बाबत पोलिस स्टेशन परतूर येथे गुन्हा नोंद करण्यात आला होता. पोलिसानी तपासाचे चक्रे तत्काळ फिरउन सदर गुन्ह्यातील आरोपीची गोपनीय माहिती काढून आरोपी करण सखाराम पवार वय २४ वर्ष रा. आनंदवाडी., गजानन प्रभू मोरे वय ३० वर्ष रा. आनंदवाडी.
व महेश गणेश कातारे रा. चिंचोली यांना ताब्यात घेऊन विचारपूस केली सदर आरोपीने मुद्देमाल स्वतः चे पिकअप मध्ये चोरून घेऊन गेले बाबत कबुल केले. आणि सर्व मुद्देमाल काढून दिला आहे, चोरीचे सोयाबीन आणि पिकअप अशा एकूण ४,००,४००/- रु. चा मुद्देमाल काढून दिला आहे. तो जप्त करून आरोपीस अटक करून पीसीआर घेण्यात आला आहे. फिर्यादीस अर्ज करून मुद्देमाल परत देण्याची कारवाई पोलिस करीत आहेत. त्यामुळे चोरीस गेलेला मुद्देमाल परत मिळाला याचा आनंद सुदर्शन प्रभाकर कातारे यांना झाला व त्यांनी पोलिस प्रशासनाचे आभार व्यक्त केले.
अजून बरेच गुन्हे उघडकिस येण्याची शक्यता आहे. अशी माहिती पोलिस निरीक्षक मछिंद्र सुरवसे यांनी दिली.

सदरची कारवाई ही पोलीस अधीक्षक अजय कुमार बंसल, अप्पर पोलीस अधीक्षक आयुष नोपाणी, उपविभागीय पोलीस अधिकारी चौरे यांच्या मार्गदर्शनाखाली पोलीस निरीक्षक एम. टी. सुरवसे, पोलीस उपनिरीक्षक विठ्ठल केंद्रे , पो.कॉ. सतीश जाधव, दीपक आडे, अच्युत चव्हाण, शामुअल गायकवाड, राम आढे, दशरथ गोपणवाड, पो.हे.काँ. अशोक गाढवे व चालक धोत्रे यांनी यशस्वी केली आहे.