వైభవంగా రాజ్య స్థరీయ బాల వైజ్ఞానిక ప్రదర్శన ముగింపు

తెలంగాణ స్టేట్:: భద్రాద్రి కొత్తగూడెం జిల్లా ::అన్నపురెడ్డిపల్లి::( నవంబర్ 20)

వైభవంగా రాజ్య స్థరీయ బాల వైజ్ఞానిక ప్రదర్శన ముగింపు

: బాల వైజ్ఞానిక ప్రదర్శనలో గెలుపొందిన బాల శాస్త్రవేత్తలకు బహుమతులు ప్రధానం చేసిన పలువురు అతిథులు,

*ముగింపు కార్యక్రమంలో ముఖ్య అతిధులుగా హాజరైన జిల్లా కలెక్టర్, జితేష్ వి పాటిల్, ఎస్పీ రోహిత్ రాజు,


అన్నపురెడ్డిపల్లి సోషల్ వెల్ఫేర్ పాఠశాల & జూనియర్ కళాశాల విక్రమ్ అంబలాల్ సారాబాయి ప్రాంగణంలో నవంబర్ 18 నుండి మూడురోజులుగా నిర్వహిస్తున్న సైన్స్ ఫెయిర్ కార్యక్రమం ఘనంగా ముగిసింది ఈ కార్యక్రమ అధ్యక్షులు స్థానిక ఎమ్మెల్యే జారె ఆదినారా యణ ఈ కార్యక్రమాన్ని ప్రతిష్టాత్మకంగా భావించి ప్రతి విభాగాన్ని అనుక్షణం పర్యవేక్షిస్తూ బాల శాస్త్రవేత్తలకు ఎటువంటి ఇబ్బంది లేకుండా ఏర్పాట్లు చేసి వసతులు కల్పించారు. భద్రాద్రి కొత్తగూడెం జిల్లా నలుమూల లనుంచి వచ్చిన సుమారు 4000 వేల మంది విద్యార్థులు పాల్గొన్న ఈ సదస్సులో దాదాపుగా 900 పైగా ప్రాజెక్ట్ లను విద్యార్థులు ప్రదర్శించగా సీనియర్, జూనియర్, ఐటీడీఏ విభాగాలుగా విభజించి న్యాయనిర్ణేతలు ఉత్తమ ప్రాజెక్ట్లను ఆవిష్కరించిన 48 మంది విద్యార్థులును ఎంపిక చేసి ఎమ్మెల్యే జారె ఆదినారా యణ ప్రజాప్రతినిధులు ప్రభుత్వ అధికారుల చేతుల మీదుగా ప్రశంసాపత్రాలతో పాటు ప్రభుత్వ మెమంటోలు అందించి విద్యార్థులను ఉపాధ్యాయులను అభినందించారు.ఈ సదస్సులో జిల్లానుంచి ఆరుగురు విద్యార్థులు రాష్ట్రస్థాయికి ఎంపిక కాబడటంతో ప్రత్యేకంగా అభినందించింది మంచి ప్రతిభ కనబర్చి జిల్లాకు మంచిపేరు తీసుకురావాలని ఎమ్మెల్యే తెలిపారు. ఈ కార్యక్రమంలో ముఖ్య అతిధులుగా జిల్లా కలెక్టర్ జితేష్ వి పాటిల్ , ఎస్పీ రోహిత్ రాజ్ , విద్యాశాఖ అధికారి ఎం వెంకటేశ్వర చారి , జిల్లా సైన్స్ అధికారి చలపతి రాజు , సోషల్ వెల్ఫేర్ గురుకులాల జోనల్ అధికారిణి స్వరూప రాణి , విద్యాశాఖ డైరెక్టర్ మరియు పలువురు అధికారులు, ఇల్లందు శాసనసభ్యులు కోరం కనకయ్య , రాష్ట్ర మార్క్ఫెడ్ డైరెక్టర్ కొత్వాల శ్రీనివాసరావు , టిపిసిసి నెంబర్ నాగ సీతారాములు, పలువురు ప్రముఖు లతో పాటు, కాంగ్రెస్ పార్టీ శ్రేణులు, పర్సా వెంకట్ , మేచ్చు వెంకటేశ్వర్లు,
అంకిరెడ్డి కృష్ణారెడ్డి ,ఎం భోజ్య నాయక్, దారం గోవిందరెడ్డి,
వి రమణ, ఎన్ వెంకటేశ్వరరావు, షేక్ గఫర్ మియా, షేక్ దస్తగీర్, షేక్ బాజీ బాబు కాంగ్రెస్ పార్టీ కార్యకర్తలు తదితరులు పాల్గొన్నారు.