అమ్మ ప్రభుత్వ సంక్షేమ పథకాలు అందుతున్నాయా..!!
మొక్కజొన్నలు అమ్ముతున్న ఓ మహిళ వ్యాపారితో సరదాగా ముచ్చటించి సమస్యలు తెలుసుకున్న ఖానాపూర్ ఎమ్మెల్యే...!!
కడెం : దస్తురాబాద్ మండలంలోని రేవోజీపేట గ్రామంలో కాంగ్రెస్ నాయకుడి కుమార్తె వివాహానికి వెళ్లి తిరుగు ప్రయాణంలో ఖానాపూర్ నియోజకవర్గ శాసనసభ్యులు వెడ్మ బొజ్జు పటేల్ కడెం మండలంలోని ఉడుంపూర్ గ్రామంలో మొక్కజొన్నలు అమ్ముతున్న ఓ చిరు వ్యాపారి దుకాణం వద్ద కారు ఆపి, సరదాగా అలా మొక్కజొన్నలు తింటూ...ఆ వ్యాపారితో అరగంట సేపు ముచ్చటించారు.రాష్ట్ర ప్రభుత్వం ప్రతిష్టాత్మకంగా అమలు చేస్తున్న సంక్షేమ పథకాలు అందుతున్నాయా...లేదా అని ప్రశ్నలు వెశారు.సమస్యలపై ఆరా తీశారు.ఆ వ్యాపారి సైతం కాంగ్రెస్ ప్రభుత్వ సంక్షేమాలు బాగున్నాయని సమాధానం ఇచ్చారు.కుటుంబ పోషణ మొత్తం మొక్క జొన్నల వ్యాపారం పైనే ఉందని ఆమె పేర్కొన్నారు.తన కొడుకుకు అంగవైకల్యం ఉందని, నెలకు 4వేల పెన్షన్ వస్తుందని ఆమె ఎమ్మెల్యే కు తెలిపారు. ఇతర ప్రాంతాల నుంచి మొక్కజొన్నలు కొనుగోలు చేసి జీవనాన్ని కొనసాగిస్తున్నట్లు తెలిపారు. ఎమ్మెల్యే హోదాలో ఉంటూ... ఏకల్మషం లేకుండా తనతో మాట్లాడి సమస్యలు తెలుసుకోవడం పట్ల ఆ మహిళ వ్యాపారి సంతోషం వ్యక్తం చేశారు.
