హృదయ శాంతి వృద్ధాశ్రమంలో ఘనంగా జాప్ ఆవిర్భావ దినోత్సవం

ఆకర్ష్ టీవీ అనకాపల్లి:
అనకాపల్లి, జర్నలిస్ట్ అసోసియేషన్ ఆఫ్ ఆంధ్ర ప్రదేశ్ 32వ వార్షికోత్సవం మంగళవారం ఘనంగా జరిగింది. మండలంలోని వెంకుపాలెం గ్రామంలో ఉన్న హృదయ శాంతి వృద్ధాశ్రమంలో జరిగిన కార్యక్రమంలో అసోసియేషన్ జిల్లా అధ్యక్షుడు దాడి వెంకటరావు అసోసియేషన్ సభ్యులు పాల్గొన్నారు ఈ సందర్భంగా ఆశ్రమ నిర్వాహకులు ఉదయ్ కుమార్ మాట్లాడుతూ, వివిధ వర్గాలు వృద్ధులను దృష్టిలో పెట్టుకొని వారికి సహాయ సహకారాలు అందించాలని కోరారు. ఈ సందర్భంగా అధ్యక్షుడు దాడి వెంకటరావు మాట్లాడుతూ, వృద్ధులకు ఎటువంటి సహాయ సహకారాలు కావాలన్నా వైద్యశాకారం కావాలన్నా అందించడానికి తాము ఎప్పుడు సిద్ధమేనని ఆయన హామీ ఇచ్చారు. అధేవిధంగా జాప్ యూనియన్ జర్నలిస్టుల సమస్యల పరిష్కారం పట్ల ఎల్లప్పుడూ ముందుంటుందన్నారు. జర్నలిస్టులను అన్ని విధాల ఆదుకునేందుకు జాప్ ఫౌండర్ సభ్యులు ఉప్పల లక్ష్మణ్, రాష్ట్ర అధ్యక్షుడు రవితేజల నేతృత్వంలో ముందుకెళ్తామని వెల్లడించారు. కేవలం జర్నలిస్టుల సమస్యల పరిష్కారానికే కాకుండా సామాజిక సేవా కార్యక్రమంలోనూ జాప్ ముందు ఉంటుందన్నారు. ఈ సందర్భంగా సభ్యులు సత్యనారాయణ, విజయ్ కుమార్, దేవుడు నాయుడు, గణేష్, అజయ్ ప్రసాద్, రుషి బాబు అందరు కలసి వృద్ధులకు పండ్లు రొట్టెలు పంపిణీ చేశారు.