ଜାତୀୟ ସ୍ତର କ୍ରୀଡ଼ାରେ ଡିପିଏସ ଛାତ୍ର ଅର୍ଚ୍ଚିତଙ୍କ ସଫଳତା
ଦାମନଯୋଡ଼ି,୧୬/୧୧: ଦିଲ୍ଲୀର ଗ୍ରେଟର ନୋଏଡା ଦିଲ୍ଲୀ ପବ୍ଲିକ ସ୍କୁଲ (ଡିପିଏସ) ଠାରେ ଆନ୍ତଃ ଡିପିଏସ କ୍ରୀଡ଼ା ପ୍ରତିଯୋଗିତା ଚଳିତ ମାସ ୧୫ ଓ ୧୬ତାରିଖ ଦୁଇଦିନ ଧରି ଅନୁଷ୍ଠିତ ହୋଇଯାଇଛି।ଏଥିରେ ଦାମନଯୋଡ଼ି ନାଲକୋ ଟାଉନସିପ ସ୍ଥିତ ଦିଲ୍ଲୀ ପବ୍ଲିକ ସ୍କୁଲର ଛାତ୍ର ଅର୍ଚ୍ଚିତ ଅରିନ୍ଦମ ନାୟକ ଲମ୍ବଡିଆଁ ରେ ତୃତୀୟ ସ୍ଥାନ ହାସଲ କରି ବ୍ରୋଞ୍ଜ ମେଡାଲ ପାଇବା ସହିତ ଦାମନଯୋଡ଼ି ପାଇଁ ଗୌରବ ଆଣି ଦେଇଛନ୍ତି।ଶାରୀରିକ ଶିକ୍ଷା ଶିକ୍ଷକ ତଥା କୋଚ ନବକିଶୋର ପଣ୍ଡାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅର୍ଚ୍ଚିତଙ୍କ ସହିତ ଅନ୍ୟ ୪ଜଣ ଛାତ୍ର ଭବତୋଷ ପଣ୍ଡା,ଅନିମେଷ ପଢିଆରୀ, ବିବେକ ପଟ୍ଟନାୟକ ଓ ଶୁଭମ ପାଟଯୋଷୀ ବିଭିନ୍ନ ବିଭାଗରେ ଅଂଶଗ୍ରହଣ କରି ଉଚ୍ଚକୋଟୀର ଖେଳ ପ୍ରଦର୍ଶନ କରିଥିଲେ।ଜାତୀୟ ସ୍ତରରେ ଅର୍ଚ୍ଚିତଙ୍କ ସଫଳତା ପାଇଁ ଡିପିଏସ,ଦାମନଯୋଡ଼ିର ଭାରପ୍ରାପ୍ତ ଅଧ୍ୟକ୍ଷା ସୁଶ୍ରୀ ସୁଜାତା ପାଣିଙ୍କ ସହିତ ଅନ୍ୟ ଶିକ୍ଷକଶିକ୍ଷୟତ୍ରୀ ଓ ପରିଚାଳନା କମିଟି କର୍ମକର୍ତ୍ତା ଶୁଭେଚ୍ଛା ଓ ସାଧୁବାଦ ଜଣାଇଛନ୍ତି।