अहिल्यानगर शहराच्या विकासाचा व व्यापारीकरणाचा वेग वाढणार - आ.जगताप

अहिल्यानगर - विधानसभा निवडणुकीच्या प्रचारार्थ शहरामध्ये फिरत असताना मिळत असलेला नागरिकांचा उत्स्फूर्त प्रतिसादामुळे माझा विजय निश्चित झाला असून पुढील पाच वर्ष सर्वजण मिळून शहर विकासाला गती देऊ त्या माध्यमातून विकसित शहर निर्माण करू.त्यामुळे मोठमोठे उद्योग कारखाने आपल्या शहरात एमआयडीसी मध्ये येतील.त्या माध्यमातून युवक युवतींना रोजगार उपलब्ध होईल व आपल्या शहराची आर्थिक उन्नती झपाट्याने वाढेल.नगरची डाळ मंडई ही महाराष्ट्रातील अग्रेसर बाजारपेठ म्हणून ओळखली जात आहे.झपाट्याने होत असलेल्या विकासामुळे शहराचे विस्तारीकरण वाढत असून व्यापारीकरणाला अजून गती प्राप्त होईल असे प्रतिपादन आ.संग्राम जगताप यांनी केले.