भिंगारमध्ये शितल जगताप यांनी घरोघरी घेतल्या महिलांच्या भेटीगाठी

अहिल्यानगर :शहर विधानसभा मतदार संघातील महायुतीचे उमेदवार आ.संग्राम जगताप यांच्या प्रचारार्थ त्यांच्या पत्नी शितल जगताप यांनी भिंगार शहरात घरोघरी भेटी देऊन महिलांच्या गाठी-भेटी घेतल्या.ठिक ठिकाणी बैठका घेऊन त्या महिलांना आ.जगताप यांना मताधिक्याने निवडून आणण्यासाठी आवाहन करत आहेत.
भिंगार येथे महिलांच्या भेटीसाठी आलेल्या शितल जगताप यांचे सविता मारूती पवार यांनी स्वागत करुन सर्व महिलांच्या वतीने आ.जगताप यांना पाठिंबा दर्शविला.
सविता पवार म्हणाल्या की, भिंगारकरांना विकासाची दिशा आ.संग्राम जगताप यांनी दाखवली. छावणी परिषदेकडून निधी मिळत नसताना,आमदार निधीतून त्यांनी अनेक विकासात्मक कामे मार्गी लावली.विकास कामे करताना त्यांनी कोणत्याही प्रकारे राजकारण न करता फक्त विकासाच्या ध्येय धोरणाने कामे केली.त्यांच्या विकासाचा रथ पुढे घेऊन जाण्यासाठी सर्व महिला वर्ग त्यांच्या पाठिशी असणार असल्याची भावना त्यांनी व्यक्त केली.
शितल जगताप म्हणाल्या की,शहरासह उपनगर भागातील परिसराचा कायापालट करण्याचे काम आ.संग्राम जगताप यांनी केले.विकासाचे व्हिजन ठेऊन शहर, उपनगरात काम सुरु आहे.या विकासाला गती देण्यासाठी जनतेने त्यांना पुन्हा संधी देण्याचे आवाहन केले.