🎪बेघर पक्ष्यांना देणार हक्काचा निवारा🛖

Vaibhav Padmakar Kulkarni, Thane, Maharashtra (MH)
07/11/2024 01:08 PM

निसर्गप्रेमी मुन्ना शेख यांचा पक्षी सप्ताहात उपक्रम

Photo-7akola203, 204

अकोला, ब्युरो.
उंच आकाशात भरारी घेणा-या पाखरांनाही विसाव्यासाठी निवारा लागतोच, मात्र अलिकडे सिमेंट क्रॉंक्रीटच्या जंगलात त्यांचा निवारा हरवत चालला आहे. त्यासाठी कृत्रिम घरट्यांची निर्मिती करुन घरोघरी जावून ते लावण्याचा उपक्रम निसर्गप्रेमी तथा शेख मोहम्मद शेख मकबूल उर्फ मुन्ना शेख यांनी पक्षी सप्ताहात सुरु केला आहे.
मागील काही वर्षांपासून शेख मुन्ना हे निसर्ग संवर्धनासाठी विविधांगी उपक्रम राबवितात. तसेच दरवर्षी पक्ष्यांसाठी पाण्याचे पात्र तसेच घरट्यांचे वितरण करीत असतात. यंदाही या उपक्रमास त्यांनी पक्षी सप्ताहापासून सुरुवात केली आहे. संपूर्ण महाराष्ट्रात ०५ते १२ नोव्हेंबरदरम्यान पक्षी सप्ताह साजरा करण्यात येतो. या सप्ताहात पक्षी संवर्धनासह विविध पक्ष्यांची सर्वसामान्यांना माहिती व्हावी म्हणून जनजागृती करण्यात येते. या सप्ताहाचे औचित्य साधून मुन्ना शेख यांनी पक्ष्यांसाठी लाकडापासून बनविलेल्या घरट्यांचे वितरण सुरु केले आहे. मंगळवारी , दि. ०५ नोव्हेंबर २०२४ रोजी पक्षी सप्ताहाच्या उद्घाटनाच्या दिवसापासून त्यांनी या अभियानाला सुरुवात केली आहे. त्यांनी लाकडापासून पक्ष्यांसाठी सुमारे १०० घरटी तयार केली आहेत. अलीकडे वृक्षांची संख्या कमी होत असून सिमेंट क्रॉंक्रीटच्या जंगलात चिमणी, बुलबुल, मैना, मुनिया यासारख्या असंख्य पक्ष्यांना घरटी बनविण्यास योग्य जागा उपलब्ध होत नाही, त्यामुळे त्यांच्यासाठी अनेक संस्था, निसर्गप्रेमींच्या वतीने अशी कृत्रिम घरटी ठिकठिकाणी लावण्यात येतात. त्याला पक्ष्यांचा अलिकडे प्रतिसादही मिळत आहे. अनेक घरट्यांमध्ये चिमण्या, बुलबुलने आपला संसार थाटल्याचे दिसून येते.
मागणी करणा - याच्या घरी जाऊन घरटे
पक्ष्यांसाठी दरवर्षीप्रमाणे यंदाही लाकडापासून कृत्रिम घरट्यांची निर्मिती करण्यात आली आहे. सुमारे १०० घरटी तयार करण्यात आली आहे. मात्र घरट्यांचे वितरण करण्यात येणार नाही, कारण अनेकजण घरटी घेऊन योग्य जागी लावत नाहीत. त्यामुळे ज्यांना घरटे हवे आहे, त्यांनी संपर्क साधल्यास त्यांच्या घरी योग्य जागेवर हे घरटे मी स्वत: लावून देणार आहे.
-सर्पमित्र निसर्ग सावधान बहुत देसी संस्था अध्यक्ष मुन्ना शेख, अकोला.९९७५७५५११८

119

8929 views