ନିତାଇ ଗୌର ଆଶ୍ରମରେ ଗିରୀ ଗୋବର୍ଦ୍ଧନ ପୂଜା ଓ ଛପନ ଭୋଗ ଉତ୍ସବ ।

ନିତାଇ ଗୌର ଆଶ୍ରମରେ ଗିରୀ ଗୋବର୍ଦ୍ଧନ ପୂଜା ଓ ଛପନ ଭୋଗ ଉତ୍ସବ ।

    କଣିହାଁ ବ୍ଲକ ଗହମ ସ୍ଥିତ ନିତାଇ ଗୌର ଆଶ୍ରମରେ ଶନିବାର ଗିରୀ ଗୋବର୍ଦ୍ଧନ ପୂଜା ଓ ଛପନ ଭୋଗ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରତିବର୍ଷ ଏହି ପୂଜା ମହା ସମାରୋହରେ ପାଳିତ ହୋଇ ଆସୁଥିବା ବେଳେ ଚଳିତ ବର୍ଷ ମଧ୍ୟ ଏଥିପାଇଁ ସ୍ବତନ୍ତ୍ର ଆୟୋଜନ ଆଶ୍ରମ ତରଫରୁ ହୋଇଥିଲା । ଆଶ୍ରମ ତରଫରୁ ଆୟୋଜିତ ଏହି କାର୍ଯ୍ୟକ୍ରମ ରେ ଆଶ୍ରମ ସ୍ଥିତ ପ୍ରଭୁ ଗୋପାଳଦେବଙ୍କ ଚରଣରେ ମନ୍ତ୍ରଜପ ସହିତ ଗିରୀ ଗୋବର୍ଦ୍ଧନ ପୂଜା ହେବା ପରେ ପ୍ରସ୍ତୁତ ହୋଇଥିବା ଛପନ ଭୋଗ ଲାଗିଥିଲା।  ଆଶ୍ରମ ପରିଚାଳକ ବାବାଜୀ ପ୍ରଭୁପାଦ ଦାସ ଙ୍କ ତତ୍ତ୍ୱାବଧାନରେ ଆଶ୍ରମ ଅନ୍ତେବାସୀ ଓ ଏହାର ଭକ୍ତ ତଥା ସଦସ୍ୟ ମାନେ କାର୍ଯ୍ୟକ୍ରମ ଆୟୋଜନରେ ଲାଗି ପଡିଥିଲେ । ବହୁ ବିଶିଷ୍ଟ ସାଧୁସନ୍ଥ ଏହି କାର୍ଯ୍ୟକ୍ରମ ରେ ସାମିଲ ହୋଇଥିଲେ । ମଧ୍ୟାହ୍ନ ରେ ସମସ୍ତେ ପ୍ରସାଦ ସେବନ କରିଥିଲେ । ଏଭଳି ଏକ ଆଧ୍ୟାତ୍ମିକ କାର୍ଯ୍ୟକ୍ରମ କୁ ନେଇ ବହୁ ସଂଖ୍ୟାରେ ଭକ୍ତଙ୍କ ସମାଗମ ହୋଇଥିଲା । ବହୁ ବିଶିଷ୍ଟ ବ୍ୟକ୍ତି, ସ୍ଥାନୀୟ ଅଞ୍ଚଳର ଭକ୍ତମାନଙ୍କ ସହିତ ପାଳଲହଡା ବିଧାୟକ ଅଶୋକ କୁମାର ମହାନ୍ତି, ଢେ଼ଙ୍କାନାଳ ପୂର୍ବତନ ସାଂସଦ ମହେଶ ସାହୁ, ପାଳଲହଡା ପୂର୍ବତନ ବିଧାୟକ ମୁକେଶ ପାଳ, ପ୍ରମୁଖ ସାମିଲ ହୋଇଥିଲେ । ସେହିପରି କଣିହାଁ ବ୍ଲକ ଟାକୁଆ ଗ୍ରାମର ନାଳିତୈଳା ସାହି ମଠରେ ମଧ୍ୟ ବିଦ୍ଧିକ୍ରମେ ଗିରୀ ଗୋବର୍ଦ୍ଧନ ପୂଜା ଅନୁଷ୍ଠିତ ହୋଇଯାଇଛି ।