दिवाळी का साजरी केली जाते.? महाभारत आणि रामायण काय आहे कनेक्शन. जाणून घ्या दिवाळीचं आध्यात्मिक महत्त्व.

मुंबई : दिवाळी हा एक शुभ हिंदू सण आहे. हा सण कार्तिक महिन्याच्या अमावास्येला येतो. जो दरवर्षी दसरा किंवा विजयादशमीच्या 20 दिवसांनी येतो आणि धनत्रयोदशीपासून भाऊबीजपर्यंत पाच दिवस चालतो. जाणून घ्या या दिवाळीचं आध्यात्मिक महत्त्व काय.
कार्तिक अमावस्येच्या रात्रीला दिवाळीचे महापर्व म्हटले जाते कारण या दिवशी राम चौदा वर्षांचा वनवास भोगून आपली पत्नी सीता आणि भाऊ लक्ष्मणसह अयोध्येला परतले. मात्र कार्तिक अमावस्येशी संबंधित काही महत्त्वाच्या घटना आहेत, त्या तुम्हाला माहीत आहेत का? दिवाळीच्या दिवशी प्रभू राम, लक्ष्मण आणि सीताजी १४ वर्षांच्या वनवासातून परतले आणि अयोध्येत आले. त्यानंतर अयोध्येतील लोकांनी दिवे लावून, रांगोळी काढून आणि घरे सजवून त्यांचे स्वागत केले. तेव्हापासून दिवाळी साजरी करण्याची परंपरा सुरू आहे.
कार्तिक अमावस्येला ५ पांडव (युधिष्ठिर, भीम, अर्जुन, नकुल आणि सहदेव) १३ वर्षांचा वनवास संपवून आपल्या राज्यात परतले. त्याच्या परतीचा आनंद साजरा करण्यासाठी राज्यातील जनतेने दिवे लावले. तेव्हापासून कार्तिक अमावस्येला दिवाळी साजरी केली जाते.
दीपावलीचा सण साजरा करण्यामागे आणखी एक मोठी कथा आहे.
कार्तिक महिन्याच्या कृष्ण पक्षातील चतुर्दशीला श्रीकृष्णाने नरकासुराचा वध करून देव आणि संतांना त्याच्या दहशतीतून मुक्त केले. त्याच्या आनंदात लोक दुसऱ्या दिवशी म्हणजे कार्तिक महिन्यातील अमावास्येला आपापल्या घरी दिवे लावतात. तेव्हापासून नरक चतुर्दशी आणि दिवाळी हा सण साजरा होऊ लागला.