ଆସିକା ଚିନିଶିଳ୍ପ ଲିଃ.ର ଦୁର୍ନୀତି ନିବାରଣ ସଚେତନ ସପ୍ତାହ ପାଳନ ।

ଆସିକା ଚିନିଶିଳ୍ପ ଲିଃ.ର ଦୁର୍ନୀତି ନିବାରଣ ସଚେତନ ସପ୍ତାହ ପାଳନ ।
ଆସିକା,୩୦/୧୦ ଆସିକା ସମବାୟ ଚିନିଶିଳ୍ପ ଲିଃ.ର କୃଷକ ଭବନଠାରେ ଦୁର୍ନୀତି ନିବାରଣ ସପ୍ତାହ ପାଳନ ହୋଇଯାଇଛି । ଉକ୍ତ କାର୍ଯ୍ୟକ୍ରମ ଚିନିଶିଳ୍ପର ସଭାପତି ଶ୍ରୀ ରବିନ୍ଦ୍ର ପଣ୍ଡାଙ୍କ ସଭାପତିତ୍ୱରେ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଚିନିଶିଳ୍ପ ଲିଃ.ର ପରିଚାଳନା ପରିଷଦର ନିର୍ଦ୍ଦେଶକ ତଥା କୃଷିନେତା ଶ୍ରୀ ପୂର୍ଣ୍ଣ ଚନ୍ଦ୍ର ବରାଡ, ନିର୍ଦ୍ଦେଶକ ଶ୍ରୀ ବସନ୍ତ ଦଳାଇ, ଶ୍ରୀ ନିରଞ୍ଜନ ପ୍ରଧାନ, ଶ୍ରୀ ସନ୍ତୋଷ କୁମାର ପ୍ରଧାନ, ଶ୍ରୀ ଶରତ କୁମାର ପ୍ରଧାନ, ଶ୍ରୀ ରତ୍ନାକର ସାହୁ, ଶ୍ରୀ ଧରମୁ ପ୍ରଧାନ ସମେତ ଚିନିଶିଳ୍ପର ସମସ୍ତ କର୍ମଚାରୀ ଏବଂ ସମସ୍ତ ବିଭାଗୀୟ ମୁଖ୍ୟ ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରମରେ ଚିନିଶିଳ୍ପ ସଭାପତି ଶ୍ରୀ ରବିନ୍ଦ୍ର ପଣ୍ଡା ସରକାରଙ୍କ ଲକ୍ଷ ଏବଂ ଆସିକା ସମବାୟ ଚିନିଶିଳ୍ପ ପରିଚାଳନା କ୍ଷେତ୍ରରେ ଦୁର୍ନୀତି ମୁକ୍ତ ଓ ସ୍ବଛ ଶାସନ ଯୋଗାଇବା ନିମନ୍ତେ ଉପସ୍ଥିତ ଥିବା ସମସ୍ତେ ସଙ୍କଳ୍ପ ନେବାପାଇଁ ମତ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ସଭାପତି ଶ୍ରୀ ରବିନ୍ଦ୍ର ପଣ୍ଡା ସରକାରଙ୍କ ଠାରୁ ଆସିଥିବା ସପଥ ପାଠ ପତ୍ରକୁ ପଠନ କରାଇ ଶପଥ କରାଇଥିଲେ । ଶେଷରେ ନିର୍ଦ୍ଦେଶକ ଶ୍ରୀ ପୂର୍ଣ୍ଣ ଚନ୍ଦ୍ର ବରାଡ ସମସ୍ତଙ୍କୁ ଧନ୍ୟବାଦ ଅର୍ପଣ କରି ସଭା ସାଙ୍ଗ୍ କରିଥିଲେ ।