ఉపాధ్యాయుల పలు సమస్యలపై ఐటీడీఏ పీవో రాహుల్ కు టీఎస్.యుటిఎఫ్ జిల్లా అధ్యక్షులు బి.కిషోర్ సింగ్ వినతి

టీఎస్ యుటిఎఫ్ జిల్లా అధ్యక్షులు బి.కిషోర్ సింగ్ నాయకత్వంలో ఐటీడీఏ పీవో రాహుల్ కు గిరిజన సంక్షేమ శాఖలో పనిచేస్తున్న ఉపాధ్యాయుల సమస్యలపై ప్రాతినిధ్యం చేయడం జరిగింది.ఈ సందర్భంగా ఆశ్రమ పాఠశాలలో అమలవుతున్న సూపర్వైజింగ్ స్టడీ అవర్స్ ఉపాధ్యాయులపై తీవ్ర మానసిక ఒత్తిడిని కలిగిస్తున్నాయని పని భారంతో ఉపాధ్యాయులు ఇబ్బందులు పడుతున్నారని వెంటనే దానిని సవరించాలని,తక్కువ విద్యార్థులు ఉన్న ఏ.హెచ్.ఎస్ కరకగూడెం పాఠశాలలో పనిచేస్తున్న హిందీ ఉపాధ్యాయునికి మర్కోడు పాఠశాలకు డిప్యూటేషన్ పై బదిలీ చేయాలని, పెండింగ్ లో ఉన్న ప్రొబేషన్ డిక్లరేషన్ అన్నింటిని క్లియర్ చేయాలని పిఓ ను కోరగా త్వరలోనే క్లియర్ చేస్తామని తెలియజేశారు.మెడికల్ గ్రౌండ్ లో డిప్యూటేషన్ లను త్వరలో చేపడుతామని తెలియజేశారు.AHS రేగళ్ల తండా ల్యాండ్ లూజర్ గణేష్ కు సి ఆర్ టి పోస్ట్ ఇవ్వాలని కోరడం జరిగింది. AHS కోయగూడెం OS గా పని చేస్తూ అనారోగ్యంతో బాధపడుతున్న ఝాన్సీ ను ఉంజుపల్లి ఆశ్రమ పాఠశాలకు డిప్యూటేషన్ వేయాలని కోరడం జరిగింది. ఈ కార్యక్రమంలో ఐటిడిఎ సబ్ కమిటీ కన్వీనర్ టి. బాలు,జిల్లా కార్యదర్శి ఎస్.విజయ్ కుమార్,వెంకన్న ,ఝాన్సీ,గణేష్ తదితరులు పాల్గొన్నారు.