విద్యార్థులకు వృత్తి నైపుణ్యాలు ఎంతో అవసరం.. బిల్ కిష్ బేగం

యస్.టి.డి. న్యూస్: బుక్కరాయసముద్రం మండల పరిధిలోని వెంకటాపురం జిల్లా పరిషత్ హై స్కూల్ నందు ఆర్ట్ టీచర్ శ్రీదేవి ఆధ్వర్యంలో రంగోత్సవ్ -2024 పోటీలను నిర్వహించారు. ఈ సందర్భంగా ప్రధానోపాధ్యాయురాలు బిల్ కిస్ బేగం మాట్లాడుతూ విద్యార్థులకు విద్యతో పాటు వృత్తి విద్యా నైపుణ్యాలలోకూడా అవగాహన పెంచుకోవాలన్నారు. విద్యార్థులు వృత్తి విద్య నైపుణ్యాలు కలిగి ఉంటే జీవితంలో ఎక్కడైనా రాణించవచ్చు అన్నారు. పాఠశాలలో విద్యార్థులు నేచర్ డ్రాయింగ్, కలరింగ్, కర్రీ కేచర్, హ్యాండ్ రైటింగ్ భాగాలకు 46 మంది విద్యార్థులు హాజరయ్యారు. విద్యార్థులు వేసిన ఆర్ట్ బొమ్మలు పలువురిని ఎంతో ఆకట్టుకున్నాయి. ఈ కాంపిటీషన్ లో ప్రతిభ కనపరిచిన విద్యార్థులకు గోల్డ్ మెడల్స్ సిల్వర్ కాంస్య పథకాల తో పాటు సర్టిఫికెట్లను అందజేశారు.