वृक्षारोपण करून संवर्धन करणे ही एक काळाची गरज.....

माढा प्रतिनिधी ...
माढा तालुक्यातील केवड येथील श्री शिवाजी शिक्षण प्रसारक मंडळ केवड व नेहरू युवा केंद्र माय भारत सोलापूर यांच्या संयुक्त विद्यमाने केवड येथील प्राथमिक, माध्यमिक आश्रम शाळा व पृथ्वीराज चव्हाण कनिष्ठ महाविद्यालय केवड येथे एक पेड मा के नाम हे वृक्षारोपण अभियान मोठ्या उत्साहात संपन्न झाले. या अभियानांतर्गत शाळा व संकट मोचन हनुमान मंदिर परिसरामध्ये साधारणतः वड पिंपळ अशी सुमारे 100 औषधी वनस्पतीं वृक्षांचे वृक्षारोपण करण्यात आले. हे वृक्षारोपण अभियान संस्थेचे मार्गदर्शक गणेश चव्हाण सर शाळेचे व्यवस्थापक कालिदास चव्हाण सर मुख्याध्यापक नरसेश्वर पाटील, प्राध्यापक सौ. सरिता चव्हाण, शाळेतील सर्व शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते.