उपोषण आंदोलनास यश.. रस्त्याच्या कामास प्रत्यक्ष सुरुवात करण्यात आली.. त्यानिमित्ताने तामसवाडी ग्रामस्थांकडून जाहीर नागरी सत्कार कार्यक्रम

अहमदनगर ( नेवासा ) - प्रतिनिधी मयुर मांडलिक

गेल्या पाच दिवसांपासून तामसवाडी येथे निपाणी निमगाव ते वाटापुर या रस्त्याचे काम सुरु करण्यात यावे यासाठी उपोषण आंदोलन सुरू करण्यात आले होते. काल प्रत्यक्ष रस्ता कामास प्रारंभ करण्यात आला. त्यामुळे ग्रामस्थांच्या आंदोलनास यश मिळाले आज ग्रामस्थांकडून आंदोलनकर्ते व आंदोलनास सहकार्य करणाऱ्या सर्वांचा सत्कार कार्यक्रम घेण्यात आला. यावेळी ग्रामस्थांनी आवर्जून बोलावले तसेच ग्रामस्थांनी संभाजी माळवदे, संतोष काळे,संजयभाऊ कोलते, सारंगधर भाऊ फोफसे यांचा सन्मान केला. यावेळी संभाजी राजे जगताप, वैजनाथ जाधव, बाबा फोफसे, रमेश कोलते, दत्ता कर्जुले, भाऊसाहेब जाधव, जालिंदर कर्जुले, महेश कर्जुले आदींसह तामसवाडी ,वाटापुर येथील ग्रामस्थ उपस्थित होते. यावेळी उपस्थित ग्रामस्थांना विविध विषयावर मार्गदर्शन केले. तसेच गावातील कुठलाही प्रश्न,समस्या असुद्या त्या सोडविण्यासाठी आम्ही ग्रामस्थांच्या पाठीशी खंबीरपणे उभे राहू असे ठामपणे सांगितले.