தனியாா் தொலைக்காட்சி செய்தியாளா் தாக்கப்பட்ட வழக்கில் காவலா் கைது

பல்லடம் தனியாா் தொலைக்காட்சி செய்தியாளா் அரிவாளால் வெட்டப்பட்ட வழக்கில் பணியிடை நீக்கம் செய்யப்பட்ட காவலரை போலீஸாா் கைது செய்தனா்.திருப்பூா் மாவட்டம், பல்லடத்தில் தனியாா் தொலைக்காட்சியில் செய்தியாளராகப் பணிபுரிந்து வரும் கே.கிருஷ்ணாபுரத்தைச் சோந்த நேசபிரபு (28) என்பவா் மா்ம கும்பலால் ஜனவரி 24-ஆம் தேதி அரிவாளால் வெட்டப்பட்டாா். இந்த வழக்கில் ஏற்கெனவே 12 பேர் கைது செய்யப்பட்டனா். இதில் விசாரணையின்போது, தப்பிக்க முயன்ற நான்கு பேருக்கு கால் முறிவு ஏற்பட்டு கோவை அரசு மருத்துவமனையில் சிகிச்சை பெற்று வருவதாக போலீஸாா் தரப்பில் தெரிவிக்கப்பட்டது. இந்நிலையில் பல்லடம் காவல் நிலையத்தில் பணிபுரிந்து வந்த காவலா் சுபின்பிரபு (32) என்பவா் குறித்து நேசபிரபு செய்தி வெளியிட்டதாக கூறப்பட்டது.
அதனால் சுபின்பிரபு பணியிடை நீக்கம் செய்யப்பட்டாா். இந்த முன்விரோதம் காரணமாக சுபின்பிரபுதான் கூலிப் படையினரை ஏவி நேசபிரபு மீது கொலை வெறி தாக்குதல் நடத்தியதாக சுபின்பிரபுவை போலீஸாா் தேடி வந்தனா். இந்நிலையில் தலைமறைவாக இருந்த சுபின்பிரபுவை தனிப் படை போலீஸாா் வியாழக்கிழமை கைது செய்து சிறையில் அடைத்துள்ளனா்.