ମ୍ୟାଲେରିଆ ଦିବସ - ସୁଭଦ୍ରା ମହାନ୍ତ ଙ୍କ ଦ୍ଵାରା ରଚିତ କବିତା।

*ମ୍ୟାଲେରିଆ ଦିବସ*

ଖଣ୍ଡାଧାର ନିଉଜ-୨୫/୦୪, (ସୁଭଦ୍ରା ମହାନ୍ତ, କେନ୍ଦୁଝର) ଙ୍କ ଦ୍ଵାରା ରଚିତ କବିତା।

ନେଇଯାଏ ପ୍ରାଣକେତେ ଲୋକଙ୍କର
ନାହିଁ ରେ ଆପଣା ପର ,
ଛୋଟ ଜୀବଟିଏ କାମୁଡି ଦିଅଇ
ହୁଏ ମ୍ୟାଲେରିଆ ଜ୍ୱର I
ଲାଗେ ଥକାପଣ ମୁଣ୍ଡ ବ୍ୟଥା ପୁଣ
କମ୍ପାଇ ସାରା ଶରୀର ,
ଅସ୍ତ ବ୍ୟସ୍ତ କରି ଘାଇଲା କରଇ
ହୁଅଇ ପ୍ରାଣୀ ବିକଳ I
ରକ୍ତରେ ଛାଡଇ ରୋଗ ଜୀବାଣୁକୁ
ରୋଗୀ ହୁଏ କଲବଲ ,
ତୁରନ୍ତ ଚିକିତ୍ସା ନ କଲେ ଏହାର
ରୋଗ ହୁଏ ନାହିଁ ଭଲ I
ସୁସ୍ଥ ପରିବେଶ ରଖିବା ଯଦିରେ
ମଶା ହେବେନାହିଁ ଜାତ,
ଅଳିଆ ସହିତ ପାଣି ଜମିଗଲେ
ମଶା ଜନ୍ମ ସୁନିଶ୍ଚିତ I
ମ୍ୟାଲେରିଆହେଲେ ଜୀବନ ବିପଦ
ବେଳେ ବେଳେ ଚାଲିଯାଏ,
ମସ୍ତିଷ୍କ ଜ୍ୱର ହୋଇଲେ ଆହୁରି
ରୋଗୀ ଛଟ ପଟ ହୁଏ I
ଏପ୍ରିଲ ପଚିଶକୁ ମ୍ୟାଲେରିଆ ଦିନ
ଚିକିତ୍ସା ବିଜ୍ଞାନ କହେ ,
ସାରାଦେଶ ତେଣୁ ଆଜିର ଦିନକୁ
ଖୁସିରେ ପାଳନ କରେ I
ମଶାରୀଟାଙ୍ଗିବା ଶୋଇବା ସମୟେ
ରହିବନି ମଶା ଡର ,
ସତର୍କ ରହିଲେ ଛାଡି ଚାଲିଯିବ
ଏଇ ମ୍ୟାଲେରିଆ ଜ୍ୱର I
ଆସ ଆଜି ଏଇ ଶୁଭ ଲଗନରେ
ସଭିଏଁ ନେବା ଶପଥ ,
ମ୍ୟାଲେରିଆ ମୁକ୍ତ କରିବା ଦେଶକୁ
ହେବନାହିଁ ରେ ବିପଦ I