ਗੋਮਕਊ ਸਟਰਾਈਕਰ ਮੈਚ ਹਾਰ ਗਈ

ਪਟਿਆਲਾ, ਅਪ੍ਰੈਲ 16:- ਸਰਕਾਰੀ ਮੈਡੀਕਲ ਕਾਲਜ ਪਟਿਆਲਾ ਵਿੱਚ ਜੀ. ਪੀ. ਐਲ. ਦੀ ਸ਼ੁਰੂਆਤ ਕੀਤੀ ਹੈ। ਇਸ ਟੂਰਨਾਮੈਂਟ ਵਿੱਚ ਚਾਰ ਟੀਮਾਂ ਹਿੱਸਾ ਲੈ ਰਹੀਆਂ ਹਨ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਐੱਮ. ਬੀ. ਬੀ. ਐੱਸ. ਡਾਕਟਰ, ਸਟਾਫ ਅਤੇ ਸੀਨੀਅਰ ਡਾਕਟਰ ਹਨ। ਅੱਜ ਦੇ ਮੈਚ ਵਿੱਚ ਗੋਮਕਊ ਸਟਰਾਈਕਰ ਨੇ ਪਹਿਲੀ ਬੱਲੇਬਾਜ਼ੀ ਕੀਤੀ ਅਤੇ 17 ਓਵਰਾਂ ਵਿੱਚ 149 ਦੌਡ਼ਾਂ ਬਣਾਈਆਂ। ਡਾ. ਮੋਲਿਕ ਨੇ 57 ਦੌਡ਼ਾਂ ਬਣਾਈਆਂ ਅਤੇ ਅਰਵੀਸ਼ ਨੇ 29 ਦੌਡ਼ਾਂ ਬਣਾ ਕੇ ਟੀਮ ਨੂੰ 149 ਦੌਡ਼ਾਂ ਤੱਕ ਪਹੁੰਚਣ ਵਿੱਚ ਮਦਦ ਕੀਤੀ। ਪਿੱਛਾ ਕਰਨ ਵਾਲੀਆਂ ਗੋਮਕਊ ਧੁਰੰਦਰ ਟੀਮਾਂ ਵਿੱਚ ਡਾ. ਪ੍ਰੀਤਿੰਦਰ ਸਿੰਘ ਨੇ ਬਹੁਤ ਵਧੀਆ ਖੇਡ ਦੇ ਹੋਏ 31 ਗੇਂਦਾਂ ਵਿੱਚ 49 ਦੌਡ਼ਾਂ ਬਣਾ ਕੇ ਆਪਣੀ ਟੀਮ ਨੂੰ ਚੰਗੀ ਸ਼ੁਰੂਆਤ ਦਿੱਤੀ, ਡਾ. ਸ਼ਿਵਮ ਨੇ 26 ਗੇਂਦਾਂ ਵਿੱਚ 49 ਦੌਡ਼ਾਂ ਬਣਾਈਆਂ ਅਤੇ ਡਾ. ਹਰਜੋਤ ਨੇ 9 ਗੇਂਦਾਂ ਵਿੱਚ 28 ਦੌਡ਼ਾਂ ਬਣਾ ਕੇ ਗੋਮਕਊ ਸਟਰਾਈਕਰ ਨੂੰ ਹਰਾ ਦਿੱਤਾ। ਅਮਰਿੰਦਰ ਸਿੰਘ ਨੂੰ ਮੈਨ ਆਫ ਮੈਚ ਦਿੱਤਾ ਗਿਆ ਜਿਸ ਨੇ ਆਪਣੀ ਟੀਮ ਲਈ ਤਿੰਨ ਵਿਕਟਾਂ ਲਈਆਂ ਅਤੇ 14 ਦੌਡ਼ਾਂ ਬਣਾਈਆਂ।