నేటి అంశం: మీ ఆధార్‌తో బ్యాంక్ ఖాతా ఖాళీ అవుతోందా? సైబర్ మోసాల నుండి రక్షించే 'బలమైన' చట్టాలు

ప్రస్తుతం వేలిముద్రలు (Biometrics) ఉపయోగించి ఆధార్ ద్వారా డబ్బులు దొంగిలించే కేసులు పెరుగుతున్నాయి. ఇలాంటి సందర్భాల్లో చట్టం మీకు కల్పిస్తున్న రక్షణలు మరియు మీ బాధ్యతలు ఇవే:
​✅ 1. జీరో లయబిలిటీ (Zero Liability) - ఆర్బీఐ నిబంధన:
మీ ప్రమేయం లేకుండా, అంటే మీరు ఓటీపీ (OTP) లేదా పాస్‌వర్డ్ ఎవరికీ చెప్పకుండా మీ ఖాతా నుండి డబ్బు కట్ అయితే, ఆ నష్టానికి మీరు బాధ్యులు కారు. వెంటనే ఫిర్యాదు చేస్తే ఆ డబ్బును తిరిగి ఇచ్చే బాధ్యత బ్యాంకులదే.
​✅ 2. 3 రోజుల గోల్డెన్ పీరియడ్:
మీ ఖాతా నుండి అనధికారికంగా డబ్బు డ్రా అయిన 3 పని దినాల లోపు మీరు బ్యాంకుకు ఫిర్యాదు చేస్తే, మీకు రూపాయి కూడా నష్టం కలగదు. పూర్తి మొత్తాన్ని బ్యాంక్ క్రెడిట్ చేయాలి. 4 నుండి 7 రోజులు దాటితే కొంత పరిమితి వర్తిస్తుంది.
​✅ 3. ఆధార్ బయోమెట్రిక్ లాక్ (Aadhar Lock):
మీ ఆధార్ కార్డు ద్వారా ఎవరూ డబ్బులు తీయకుండా ఉండటానికి 'm-Aadhar' యాప్ లేదా UIDAI వెబ్‌సైట్ ద్వారా మీ వేలిముద్రలను (Biometrics) లాక్ చేసుకోవచ్చు. మీకు అవసరమైనప్పుడు మాత్రమే అన్‌లాక్ చేసుకునే సౌకర్యం ఉంటుంది.
​✅ 4. సెక్షన్ 66 (IT Act) - సైబర్ నేరాలకు శిక్ష:
ఎవరైనా మీ డేటాను దొంగిలించి లేదా కంప్యూటర్ వనరులను ఉపయోగించి మోసానికి పాల్పడితే, ఐటీ చట్టం సెక్షన్ 66 కింద 3 ఏళ్ల వరకు జైలు శిక్ష మరియు రూ. 5 లక్షల వరకు జరిమానా విధించవచ్చు.
​✅ 5. 1930 హెల్ప్‌లైన్ మరియు ఫిర్యాదు:
సైబర్ మోసానికి గురైన వెంటనే మీరు 1930 నంబర్‌కు కాల్ చేయాలి లేదా www.cybercrime.gov.in లో ఫిర్యాదు చేయాలి. మోసం జరిగిన వెంటనే ఫిర్యాదు చేస్తే, దొంగిలించిన డబ్బు అవతలి వ్యక్తి ఖాతా నుండి వేరే చోటికి వెళ్లకుండా పోలీసులు నిలిపివేసే (Freeze) అవకాశం ఉంటుంది.
​న్యాయ సలహాలు - చట్టపరమైన అవగాహన కోసం మాత్రమే.