دیولالی پراورا کی بیٹی سمیعہ پٹھان کی شاندار کامیابی، MPSC امتحان میں ایک بار پھر کامیابی کا پرچم بلند

اہلیہ نگر (راہوری): دیولالی پراورا کی رہنے والی سمیعہ مونّابھائی پٹھان نے ایک بار پھر اپنی محنت اور لگن سے کامیابی کی نئی مثال قائم کر دی ہے۔ مہاراشٹر لوک سیوا آیوگ (MPSC) کی مشترکہ غیر گزٹیڈ امتحان میں ان کا شاندار انتخاب ہوا ہے۔
یہ سمیعہ کی پہلی کامیابی نہیں ہے۔ گزشتہ چند مہینوں میں انہوں نے مسلسل کئی اہم عہدے حاصل کر کے اپنی الگ پہچان بنائی ہے۔ ان کی نمایاں کامیابیوں میں شامل ہیں:
پولیس سب انسپکٹر (PSI)
پونے ضلع اکاؤنٹس و خزانہ افسر
ممبئی اکاؤنٹس و خزانہ افسر
شماریاتی افسر (قبائلی ترقی محکمہ، ناسک)
محکمہ خوراک و ادویات میں کیمیا دان (ممبئی)
محکمہ خواتین و اطفال ترقی، پونے
سمیعہ کی یہ کامیابی اس لیے بھی خاص ہے کیونکہ انہوں نے انتہائی مشکل حالات میں تعلیم حاصل کی اور اپنے عزم کو حقیقت میں بدل دیا۔ ان کی کامیابی آج دیہی علاقوں کی لڑکیوں کے لیے ایک روشن مثال بن چکی ہے۔
انہوں نے یہ ثابت کر دیا ہے کہ اگر ارادہ مضبوط ہو اور محنت سچی ہو تو کوئی بھی منزل حاصل کی جا سکتی ہے۔
سمیعہ پٹھان کو اس عظیم کامیابی پر دل کی گہرائیوں سے مبارکباد اور ان کے روشن مستقبل کے لیے نیک تمنائیں۔