എത്രയും പെട്ടെന്ന് ഇന്ത്യക്കാർ ഇറാൻ വിടുക; ജാഗ്രതാനിർദേശം നൽകി കേന്ദ്രസർക്കാർ

ന്യൂഡൽഹി: ഇറാനിൽ ഉള്ള ഇന്ത്യൻ പൗരന്മാർ എത്രയും വേഗം രാജ്യം വിടണമെന്ന് കേന്ദ്രസർക്കാർ അറിയിച്ചു. വിദേശകാര്യ മന്ത്രാലയം പുറത്തുവിട്ട അടിയന്തര ജാഗ്രതാ നിർദേശത്തിൽ, മേഖലയിൽ സുരക്ഷാ സ്ഥിതി അനിശ്ചിതത്വത്തിൽ തുടരുന്നതിനാൽ പൗരന്മാർ സുരക്ഷിത മാർഗങ്ങൾ പിന്തുടർന്ന് മാത്രമേ മടക്കം ചെയ്യാവൂ എന്നും മുന്നറിയിപ്പ് നൽകിയിട്ടുണ്ട്.

ഇറാനിലെ ഇന്ത്യൻ എംബസി നിർദേശിച്ചിട്ടുള്ള സുരക്ഷിത പാതകൾ ഉപയോഗിക്കണമെന്ന്, എംബസിയുമായി മുൻകൂട്ടി ചർച്ച ചെയ്യാതെ അന്താരാഷ്ട്ര അതിർത്തികളിലേക്ക് പോകാൻ ശ്രമിക്കരുതെന്നും ചൂണ്ടിക്കാട്ടി. പൗരന്മാർക്ക് സഹായത്തിനായി നാല് അടിയന്തര ഫോൺ നമ്പറുകളും (+989128109115, +989128109109, +989128109102, +989932179359) ഇമെയിൽ വിലാസവും (cons.tehran@mea.gov.in) ലഭ്യമാക്കിയിട്ടുണ്ട്.

യുഎസും ഇറാനും തമ്മിലുള്ള രണ്ട് ആഴ്ചത്തേക്കുള്ള താൽക്കാലിക വെടിനിർത്തലിന് ശേഷം, ഇരു രാജ്യങ്ങളിലേക്കും യാത്ര ചെയ്യുന്നതിനും സൈനിക കേന്ദ്രങ്ങൾ, വൈദ്യുത നിലയങ്ങൾ എന്നിവയിൽ നിന്ന് അകന്നു സുരക്ഷിതമായി തുടരുന്നതിനും നിർദേശം നൽകി. നിലവിൽ ഏകദേശം 9,000 ഇന്ത്യൻ പൗരന്മാർ ഇറാനിലുണ്ടെന്ന് കണക്കുണ്ട്. ഇതിൽ 1,862 പേർ അർമേനിയ, അസർബൈജാൻ വഴി സുരക്ഷിതമായി മടക്കിയിട്ടുണ്ട്.