കള്ളവോട്ട് ചെയ്താല് ഒരു വര്ഷം വരെ തടവും പിഴയും
കേരളത്തിൽ നാളെ നിയമസഭാ തിരഞ്ഞെടുപ്പ് നടക്കാനിരിക്കെ ശക്തമായ സുരക്ഷയാണ് പോളിംഗ് ബൂത്തുകളിൽ തെരഞ്ഞെടുപ്പ് കമ്മീഷൻ ഏർപ്പെടുത്തിയിരിക്കുന്നത്. മറ്റൊരാളുടെ വോട്ട് ചെയ്യാന് ശ്രമിക്കുകയോ തന്റെ തന്നെ വോട്ട് ഒരു തവണ ചെയ്ത വിവരം മറച്ച് വെച്ച് വീണ്ടും വോട്ട് ചെയ്യാന് ശ്രമിക്കുകയോ ഒരാള് തന്നെ ഒന്നില് കൂടുതല് സ്ഥലത്ത് വോട്ട് ചെയ്യുകയോ ചെയ്യുന്നത് ജനപ്രാതിനിധ്യ നിയമമനുസരിച്ചും ഇന്ത്യന് ശിക്ഷാ നിയമമനുസരിച്ചം കുറ്റകരമാണ്. ഒരു വര്ഷം വരെ തടവും പിഴയും ലഭിക്കാവുന്ന കുറ്റകൃത്യമാണത്.
ആരുടെയെങ്കിലും പ്രേരണയ്ക്ക് വഴങ്ങിയാണ് കള്ളവോട്ട് ചെയ്യാന് ശ്രമിച്ചതെങ്കിലും ശിക്ഷ ലഭിക്കും. ഏതെങ്കിലും കാരണവശാല് ഒരാളുടെ പേര് ഒന്നിലധികം വോട്ടര്പട്ടികകളിലോ, ഒരു വോട്ടര്പട്ടികയില് തന്നെ ഒന്നിലധികം പ്രാവശ്യമോ ഉള്പ്പെട്ടിട്ടുണ്ടെങ്കിലും ഒരു വോട്ട് മാത്രമേ ചെയ്യാന് പാടുള്ളൂ. റ്റൊരാളുടെ തിരിച്ചറിയല് രേഖ വ്യാജമായിട്ട് ഉണ്ടാക്കി വോട്ട് ചെയ്യാന് ശ്രമിച്ചാൽ വ്യാജരേഖ ചമച്ചതിനും ആള്മാറാട്ടം നടത്തിയതിനും കൂടി കേസ് രജിസ്റ്റര് ചെയ്യും.അതുപോലെ വോട്ടെടുപ്പിന് ഏതെങ്കിലും വിധത്തില് തടസ്സമുണ്ടാക്കുകയോ പോളിങ് ബൂത്തിലോ ബൂത്തിന് സമീപമോ സംഘര്ഷമുണ്ടാക്കുകയോ ഉദ്യോഗസ്ഥരുടെ കൃത്യ നിര്വഹണത്തിന് തടസ്സം സൃഷ്ടിക്കുകയോ ചെയ്താലും നിയമ നടപടി ഉണ്ടാകും. കള്ളവോട്ട് ചെയ്യാന് ശ്രമിക്കുന്നവര്ക്കെതിരെ കര്ശന നടപടിയുണ്ടാവും.
