शिवरी येथे कडजाई धरण खोलीकरण कामाचा शुभारंभ; भारत फोर्जकडून गाव विकासासाठी विविध आश्वासने

पुणे (ता. पुरंदर) : गावातील जलसंधारण वाढवण्यासाठी महत्त्वपूर्ण ठरणाऱ्या कडजाई धरणाच्या खोलीकरणाच्या काम भारत फोर्ज कंपनीच्या माध्यमातून हाती घेण्यात आले असून कंपनीच्या व्यवस्थापक लीना देशपांडे यांनी प्रत्यक्ष उपस्थित राहून श्रीफळ वाढवून कामाचे उद्घाटन केले. 🌊

उद्घाटन प्रसंगी बोलताना लीना देशपांडे यांनी सांगितले की, शिवरी गावातील पाण्याची समस्या लक्षात घेऊन धरणाचे खोलीकरण वेळेत आणि गुणवत्तापूर्ण पूर्ण केले जाईल. तसेच गावात ज्या इतर ठिकाणी खोलीकरणाची आवश्यकता आहे, त्या ठिकाणीही कंपनीच्या माध्यमातून काम करण्याची तयारी असल्याचे त्यांनी स्पष्ट केले.

भारत फोर्ज कंपनी केवळ जलसंधारणापुरती मर्यादित न राहता शिवरी गावाच्या सर्वांगीण विकासासाठी कटिबद्ध असल्याचेही त्यांनी यावेळी सांगितले. त्याअंतर्गत पुढील कामांना प्राधान्य दिले जाणार आहे:

गावातील रस्त्यांची सुधारणा 🚧

जिल्हा परिषद शाळेतील अडचणी दूर करणे 🏫

महिला सक्षमीकरणासाठी विशेष उपक्रम 👩‍👩‍👧‍👧

वृक्षारोपण मोहिमा व पर्यावरण संवर्धन 🌱


या कार्यक्रमाला जलदूत सागर तात्या काळे आणि जयदीप लाड हे प्रमुख उपस्थित होते. त्यांनी भविष्यात गावाच्या विकासासाठी आवश्यक ती सर्व मदत उपलब्ध करून देण्याचे आश्वासन दिले.

कार्यक्रमाच्या वेळी महिला मंडळ, शेतकरी आणि ग्रामस्थ मोठ्या संख्येने उपस्थित होते. ग्रामस्थांच्या वतीने लीना देशपांडे, सागर तात्या काळे आणि जयदीप लाड यांचा पुष्पगुच्छ देऊन सन्मान करण्यात आला. 💐

यावेळी उपस्थित मान्यवरांमध्ये प्रमोद जगताप, सचिन कामथे, नवनाथ कामथे, ज्ञानेश्वर लिंभोरे, अश्विनी शिरसागर, मनीषा कामथे, अंजना लिंभोरे, संगिता लिंभोरे, वर्षा लिंभोरे, कविता लिंभोरे, सुवर्णा लिंभोरे, दिपाली फाळके, बाळासाहेब लिंभोरे, विकास लिंभोरे, अक्षय लिंभोरे, देवा लिंभोरे, सुजित लिंभोरे, सुनील कामथे, सुरेश लिंभोरे, राहुल लिंभोरे,प्रवीण लिंभोरे, रामचंद्र कामथे, युवराज लिंभोरे, दत्तात्रय लिंभोरे, सोमनाथ लिंभोरे, सोपान लिंभोरे, तुकाराम कांबळे, धनंजय कामथे, एकनाथ फाळके, संजय लिंभोरे, संभाजी कामथे, मयुर पेटकर, दादासाहेब लिंभोरे, प्रथमेश लिंभोरे, सेवक शिंदे आदींसह ग्रामस्थ मोठ्या संख्येने उपस्थित होते.

कार्यक्रमाच्या शेवटी लीना देशपांडे यांनी जलसंधारण, वृक्षारोपण, शालेय सुविधा सुधारणा तसेच महिला आरोग्य व सक्षमीकरण या क्षेत्रात भविष्यातही भारत फोर्ज कंपनी शिवरी गावाच्या पाठीशी ठामपणे उभी राहील, असे आश्वासन दिले.

या उपक्रमामुळे कडजाई धरणातील पाणीसाठा वाढण्यास मोठी मदत होणार असून गावाच्या शेती व पिण्याच्या पाण्याच्या प्रश्नावर दीर्घकालीन सकारात्मक परिणाम होईल, अशी अपेक्षा ग्रामस्थांनी व्यक्त केली आहे.