Block Mathwar ke pyt. Upper Jaindial ilaqe se MGNREGA scheme mein ek gambhir ghotale ka mamla saamne aaya hai.

Block Mathwar ke pyt. Upper Jaindial ilaqe se MGNREGA scheme mein ek gambhir ghotale ka mamla saamne aaya hai. Sthaniya logon ke anusaar, lagbhag ₹2 lakh ka tractor road ka kaam 2 saal pehle sanction hua tha, lekin ground par is kaam ka koi thos nishaan nazar nahi aata.
Graminon ka kehna hai ki record mein kaam poora dikhaya gaya hai, jabki haqeeqat mein na proper road bana aur na hi koi development hua. Isse yeh shanka paida hoti hai ki kahin na kahin sarkari paison ka durupyog hua hai.
Gaon walon ne yeh bhi aarop lagaya hai ki is mamle ki jaankari Gram Sevak aur BDO tak pahunchayi gayi, lekin ab tak kisi bhi star par koi thos karwai nahi hui. Is wajah se sthaniya logon mein rosh hai aur log system ki transparency par sawal utha rahe hain.
Kuch graminon ne yeh bhi sanket diya hai ki kaam ke badle commission ya setting ke aarop bhi lag rahe hain, jise lekar poori jaanch ki zarurat hai.
Yeh mamla sirf ek road tak simit nahi hai, balki yeh sarkari yojnaon ki imaandari aur gareeb mazdooron ke haq se juda hua bada sawal hai.

जनता की मांग
Is poore mamle ki high-level inquiry ho
Kaam ki physical verification ground par ki jaye
Jo bhi zimmedar adhikari ya thekedaar paya jaye, us par sakht karwai ho
Sarkari paisa wapas liya jaye
Kaam dobara transparent tareeke se karwaya jaye