US Grants 30-Day Waiver to India for Purchasing Russian Oil

5 March 2026 ko United States Treasury Department ne India ke liye ek 30-day temporary waiver issue kiya hai jisse Indian refiners kuch Russian crude oil cargoes purchase kar sakte hain. Yeh permission sirf un shipments ke liye hai jo 5 March 2026 tak already ships par loaded the aur sea mein stranded the.

Is special licence ke mutabiq Indian companies in cargoes ko kharid kar India la sakti hain. Yeh waiver 4 April 2026 tak valid rahega aur isme naya Russian oil purchase karne ki permission nahi di gayi hai.
US Treasury Secretary Scott Bessent ne kaha ki yeh temporary step global oil supply ko stable rakhne aur market pressure kam karne ke liye liya gaya hai. Iran aur Middle East tensions ke chalte global shipping aur oil supply par asar pad raha hai, isliye emergency situation mein yeh decision liya gaya.

Experts ke mutabiq is waiver se India ke refineries ko temporary relief milega aur petrol aur diesel supply par turant koi major disruption nahi hoga. Government aur oil companies ne bhi kaha hai ki India ke paas sufficient fuel reserves maujood hain.

Energy analysts ka kehna hai ki is decision ke baad global oil market mein thodi stability dekhi gayi hai aur panic buying ki jo afwaah social media par chal rahi thi uska koi official base nahi hai. Authorities ne logon ko unnecessary fuel hoarding se bachne ki salah di hai.