Indian Air Force Su-30MKI Fighter Jet Crashes in Assam During Training Sortie

5 March 2026 ko shaam lagbhag 7:42 PM IST par Indian Air Force ka Su-30MKI fighter jet Jorhat, Assam ke Rowriah Air Force Station se routine training sortie ke liye udaa tha. Kuch hi samay baad aircraft ka radar aur radio contact toot gaya aur jet overdue report hua.

Baad mein aircraft Karbi Anglong district ke Rangkhelan village ke paas pahadi ilaake mein crash ho gaya. Local logon ne zor daar explosion aur aasman mein aag ka bada fireball dekha, jisse crash ki pushti hui. Search and rescue teams, jisme Indian Air Force aur local police shamil the, raat tak mushkil pahadi raaste par pahunch kar wreckage locate karne mein safal hue.

Crash site par aircraft ka serial number SB-175 debris par dekha gaya, jo Su-30MKI fighter jet ka hi hissa confirm hua. Aircraft mein do pilots maujood the kyunki ye twin-seater fighter jet hai.

Reports ke mutabiq ek crew member ko crash site se rescue karke hospital le jaya gaya hai aur uski condition stable batayi ja rahi hai. Dusre crew member ki talash abhi bhi jaari hai aur search operation tez kar diya gaya hai.

Indian Air Force ne official statement mein kaha ki aircraft ka contact 7:42 PM par toot gaya tha aur turant search and rescue mission shuru kar diya gaya. Crash ke exact cause ka pata lagane ke liye Court of Inquiry order ki gayi hai.

@fvimedia2024
Report by fvimedia