₹૨.૫૦ લાખના ખર્ચે શ્રી કલરાવાંઢ પ્રાથમિક શાળામાં બનશે અદ્યતન લાઈબ્રેરી.

₹૨.૫૦ લાખના ખર્ચે શ્રી કલરાવાંઢ પ્રાથમિક શાળામાં બનશે અદ્યતન લાઈબ્રેરી
બાળપણથી જ સ્પર્ધાત્મક પરીક્ષાઓ અને સામાજિક જાગૃતિનો બીજારોપણ
કચ્છના શિક્ષણ ક્ષેત્રે એક નોંધપાત્ર અને પ્રેરણાદાયક પહેલ રૂપે, શ્રી કલરાવાંઢ પ્રાથમિક શાળા ખાતે અદ્યતન લાઈબ્રેરીના નિર્માણનો આરંભ થવા જઈ રહ્યો છે. અંદાજિત ₹૨,૫૦,૦૦૦/- (અઢી લાખ રૂપિયા) ના ખર્ચે બનનાર આ લાઈબ્રેરી KFFFDT સંસ્થા (ભુજ), સેતુ અભિયાન તથા સ્થાનિક ગ્રામજનોના સંયુક્ત સહયોગથી સાકાર થવાની છે.
આ લાઈબ્રેરી માત્ર પુસ્તકોનું સંગ્રહસ્થાન નહીં પરંતુ વિદ્યાર્થીઓ માટે જ્ઞાન, દિશા અને કારકિર્દી ઘડતરનું કેન્દ્ર બની રહેશે. પ્રાથમિક કક્ષાથી જ બાળકોમાં અભ્યાસપ્રત્યે રસ વધે તેમજ ભવિષ્યના લક્ષ્યો નક્કી કરવાની દૃષ્ટિ વિકસે તે આ પ્રકલ્પનો મુખ્ય ઉદ્દેશ છે.
લાઈબ્રેરીના મુખ્ય હેતુઓ:
સ્પર્ધાત્મક પરીક્ષાઓ માટે પાયાની તૈયારી:
પ્રાથમિક ધોરણથી જ બાળકોને સરકારી નોકરીઓ અને વિવિધ સ્પર્ધાત્મક પરીક્ષાઓ અંગે માર્ગદર્શન અને યોગ્ય સાહિત્ય ઉપલબ્ધ કરાશે.
સામાજિક જાગૃતિ અને કુરિવાજો સામે જ્ઞાનયુદ્ધ:
અંધશ્રદ્ધા, રૂઢિચૂસ્ત માનસિકતા અને અણસમજ દૂર કરવા માટે જ્ઞાનવર્ધક પુસ્તકો દ્વારા વિદ્યાર્થીઓમાં વૈચારિક વિકાસ કરવામાં આવશે.
નકારાત્મક પ્રવૃત્તિઓથી જ્ઞાન તરફ વળતર:
આંદોલન, ધરણા અને વિરોધ જેવી પ્રવૃત્તિઓમાં વ્યર્થ જતા યુવાધનને શિક્ષણ અને જ્ઞાનના માર્ગે વાળવાનો એક સકારાત્મક પ્રયાસ છે, જેનાથી યુવાઓ આત્મનિર્ભર બની દેશના વિકાસમાં યોગદાન આપી શકશે.
આ પ્રકલ્પ ગ્રામીણ વિસ્તારના બાળકોને શહેરી વિસ્તારના બાળકોની સમકક્ષ લાવવા દિશામાં એક મહત્વપૂર્ણ પગલું સાબિત થશે અને આવનારી પેઢીના સર્વાંગી વિકાસમાં માઈલસ્ટોન બનશે.
રિપોર્ટ બાય આદમ નોતિયાર
Mo 9979330250