जनता विद्यालय, पिंपळगाव सराई येथे वसंत पंचमी, नेताजी सुभाषचंद्र बोस, बाळासाहेब ठाकरे व संत तुकाराम जयंती संयुक्तपणे साजरी

पिंपळगाव सराई | दि. २३ जानेवारी २०२६ :
जनता विद्यालय, पिंपळगाव सराई येथे वसंत पंचमी तसेच नेताजी सुभाषचंद्र बोस, हिंदू हृदय सम्राट बाळासाहेब ठाकरे आणि संत तुकाराम महाराज यांच्या जयंतीनिमित्त संयुक्त कार्यक्रमाचे आयोजन करण्यात आले. या कार्यक्रमाचे अध्यक्ष विद्यालयाचे प्राचार्य प्रमोद ठोंबरे हे होते.

कार्यक्रमाच्या सुरुवातीला वसंत पंचमीचे औचित्य साधून सर्व विद्यार्थ्यांनी ज्ञानदेवता सरस्वतीचे विधीवत पूजन केले. यानंतर मान्यवरांच्या प्रतिमांना पुष्पहार अर्पण करून कार्यक्रमास सुरुवात करण्यात आली.

या कार्यक्रमाचे प्रमुख वक्ते सुहास कुलकर्णी व प्रा. रमेश जगताप हे होते. सुहास कुलकर्णी यांनी वसंत पंचमीचे सांस्कृतिक व शैक्षणिक महत्त्व विशद करताना संत तुकाराम महाराजांच्या अभंगपरंपरेतून मिळणाऱ्या जीवनमूल्यांवर प्रकाश टाकला. संत तुकाराम महाराजांचे विचार आजच्या विद्यार्थ्यांसाठी मार्गदर्शक असून साधेपणा, प्रामाणिकपणा आणि मानवतेची शिकवण देतात, असे त्यांनी नमूद केले.

प्रा. रमेश जगताप यांनी नेताजी सुभाषचंद्र बोस यांच्या देशभक्ती, त्याग व धैर्यपूर्ण नेतृत्वाबद्दल माहिती देताना स्वातंत्र्यलढ्यातील त्यांच्या योगदानाचे महत्त्व स्पष्ट केले. तसेच बाळासाहेब ठाकरे यांच्या प्रभावी वक्तृत्वशैली, संघटनकौशल्य आणि सामाजिक-राजकीय जीवनातील भूमिकेवर त्यांनी सविस्तर विवेचन केले.

कार्यक्रमाचे अध्यक्ष प्राचार्य प्रमोद ठोंबरे यांनी आपल्या अध्यक्षीय भाषणात सांगितले की,
“अशा प्रकारचे संयुक्त कार्यक्रम विद्यार्थ्यांमध्ये इतिहासाची जाणीव, सांस्कृतिक भान आणि सामाजिक जबाबदारीची भावना निर्माण करतात. वसंत पंचमी ज्ञानाची उपासना शिकवते, संत तुकाराम महाराज मानवतेचा मार्ग दाखवतात, नेताजी सुभाषचंद्र बोस राष्ट्रप्रेमाची प्रेरणा देतात, तर बाळासाहेब ठाकरे निर्भय विचार मांडण्याचे धैर्य देतात. या सर्व महापुरुषांचे विचार आत्मसात करून विद्यार्थी सुजाण, संवेदनशील आणि कर्तव्यदक्ष नागरिक घडावेत, हीच अपेक्षा आहे.”

कार्यक्रमाचे सूत्रसंचालन इयत्ता आठवीतील विद्यार्थिनी पूनम काळे हिने तर आभार प्रदर्शन प्रतिक्षा गुंड हिने अत्यंत आत्मविश्वासाने केले. कार्यक्रमाच्या शेवटी सर्व विद्यार्थ्यांना प्रसादाचे वितरण करण्यात आले.

या संपूर्ण कार्यक्रमाचे यशस्वी आयोजन व समन्वय सौ. वंदना लकडे यांनी समर्थपणे पार पाडले.