दौंड शहरातील मनमाड–बेळगाव रस्त्यावर पथदिव्यांच्या केबल व वायर अत्यंत धोकादायक अवस्थेत उघड्या पडलेल्या आहेत.

अपघाताचा धोका…
दौंड शहरातील मनमाड–बेळगाव रस्त्यावर पथदिव्यांच्या केबल व वायर अत्यंत धोकादायक अवस्थेत उघड्या पडलेल्या आहेत. काही ठिकाणी या केबल्स थेट रस्त्याच्या मधोमध तसेच रस्त्याच्या कडेला पडलेल्या दिसून येत असून, त्यामुळे दुचाकीस्वार, चारचाकी वाहनचालक तसेच पादचाऱ्यांच्या जीवितास गंभीर धोका निर्माण झाला आहे.
विशेषतः रात्रीच्या वेळी व पावसाळ्यात या उघड्या वायरमुळे शॉर्टसर्किट, विजेचा धक्का बसणे किंवा वाहन घसरून अपघात होण्याची दाट शक्यता आहे. तरीही संबंधित यंत्रणेकडून याकडे दुर्लक्ष होत असल्याचे चित्र आहे.
संबंधित महावितरण/नगरपालिका विभागाने तातडीने या पथदिव्यांच्या केबल्स सुरक्षित पद्धतीने भूमिगत कराव्यात किंवा संरक्षित कव्हरमध्ये बसवाव्यात, तसेच अपघात टाळण्यासाठी त्वरित दुरुस्तीची कामे हाती घ्यावीत, अशी नागरिकांकडून जोरदार मागणी होत आहे.
वेळीच उपाययोजना न केल्यास एखादी गंभीर दुर्घटना घडल्यास त्याची संपूर्ण जबाबदारी संबंधित विभागावर राहील, असा इशाराही नागरिकांनी दिला आहे.