సంక్రాంతి సందర్భంగా కోడిపందాలు, పేకాట జూదం, వంటి చట్ట విరుద్ధ కార్యకలాపాలకు పాల్పడితే కఠిన చర్యలు తప్పవు: సిఐ శ్రీలక్ష్మి

తెలంగాణ స్టేట్** భద్రాద్రి కొత్తగూడెం జిల్లా** అన్నపురెడ్డిపల్లి మండలం ***జనవరి 04**(ఏఐఎంఏ మీడియా)

సంక్రాంతి సందర్భంగా కోడి పందేలు, పేకాట (జూదం) వంటి చట్టవిరుద్ధ కార్యకలాపాలకు పాల్పడే వారిపై కఠిన చర్యలు తప్పవు

– జూలూరుపాడు సి ఐ శ్రీ లక్ష్మి,

2026 సంక్రాంతి పండుగను ప్రజలు శాంతియుతంగా, సురక్షితంగా మరియు ఆనందంగా జరుపుకోవాలని జూలూరుపాడు సర్కిల్ ఇన్‌స్పెక్టర్ శ్రీ లక్ష్మి మరియు అన్నపురెడ్డిపల్లి పోలీస్ స్టేషన్ ఎస్ ఐ విజయ్ సింహ రెడ్డి ప్రజలకు విజ్ఞప్తి చేశారు.

ఈ సందర్భంగా వారు మాట్లాడుతూ, సంక్రాంతి పండుగ సమయంలో అన్నపురెడ్డిపల్లి మండలం పరిధిలో కోడి పందేలు, పేకాట (పోకర్/కార్డుల జూదం), అక్రమ మద్యం విక్రయాలు వంటి చట్టవిరుద్ధ కార్యకలాపాలు జరిగే అవకాశం ఉన్నందున వాటిని పూర్తిగా నియంత్రించేందుకు పోలీసు శాఖ కట్టుదిట్టమైన చర్యలు చేపడుతున్నట్లు తెలిపారు.
కోడి పందేలు మరియు పేకాట చట్టరీత్యా నేరమని, వీటిలో పాల్గొన్న వారితో పాటు, ఈ కార్యక్రమాలకు స్థలాలు కల్పించిన వారు, నిర్వహించిన వారు, ప్రోత్సహించిన వారిపై కూడా చట్టప్రకారం కఠిన చర్యలు తీసుకుంటామని హెచ్చరించారు. అవసరమైన చోట్ల విస్తృత తనిఖీలు మరియు ప్రత్యేక నిఘా ఏర్పాటు చేసినట్లు వెల్లడించారు.

జూదం వంటి అక్రమ కార్యకలాపాలు యువతను తప్పుదారి పట్టించి కుటుంబ వ్యవస్థను దెబ్బతీస్తాయని, ఆర్థిక నష్టాలు మరియు సామాజిక సమస్యలకు దారితీస్తాయని జూలూరుపాడు CI శ్రీ లక్ష్మి తెలిపారు. సంక్రాంతి పండుగ సంప్రదాయాలను కాపాడుకుంటూ, చట్టాన్ని గౌరవిస్తూ పండుగను జరుపుకోవాలని ప్రజలను కోరారు.

ప్రజలు తమ పరిసర ప్రాంతాల్లో ఎక్కడైనా కోడి పందేలు లేదా జూదం జరుగుతున్నట్లు గమనించినట్లయితే వెంటనే అన్నపురెడ్డిపల్లి పోలీస్ స్టేషన్‌కు లేదా డయల్ 100 / 112 కు సమాచారం అందించాలని కోరారు. సమాచారం ఇచ్చిన వారి వివరాలు గోప్యంగా ఉంచుతామని భరోసా కల్పించిన.
— జూలూరుపాడు CI శ్రీ లక్ష్మి
— అన్నపురెడ్డిపల్లి SI విజయ్ సింహ రెడ్డి