ಬೀದರ್ ತಹಸೀಲ್ ನಲ್ಲಿ ಪ್ರಭಾರಿಯಾಗಿ ಸೇವೆ ಸಲ್ಲಿಸುತ್ತಿರುವ ಅಧಿಕಾರಿಗಳಿಗೆ ಮೂಲಸ್ಥಾನಕ್ಕೆ ಕಳುಹಿಸಲು ಆಗ್ರಹ

ಜೈ ಭೀಮ್ ಕಂದಾಯ ನಿರೀಕ್ಷಕರು ಕಮಲ್ ನಗರದಲ್ಲಿ ಸೇವೆ ಸಲ್ಲಿಸುತ್ತಿದ್ದು ಕಳೆದ ನಾಲ್ಕು ವರ್ಷಗಳಿಂದ ಬೀದರ್ ತಹಸಿಲ್ ಕಚೇರಿಗೆ ಪ್ರಭಾರಿಯಾಗಿ ಬಂದಿದ್ದಾರೆ. ಅದೇ ತರಹ ಜಗದೀಶ್ ಪವರ್ ಗ್ರಾಮಾಡಳಿತ ಅಧಿಕಾರಿ ಭಾಲ್ಕಿ ತಹಸಿಲ್ ಕಚೇರಿಯಿಂದ ಬೀದರ್ ತಹಸೀಲ್ ಕಚೇರಿಗೆ ಆಗಮಿಸಿ ಕಳೆದ ನಾಲ್ಕೈದು ವರ್ಷಗಳಿಂದ ಪ್ರಭಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ದುರಾದೃಷ್ಟಕರ ಸಂಗತಿ ಏನೆಂದರೆ ಇವರಿಬ್ಬರು ಜನರ ಕೆಲಸದ ಕಡೆ ಪ್ರಾಮಾಣಿಕವಾಗಿ ಸೇವೆ ಸಲ್ಲಿಸದೆ ಅವರ ಫೈಲ್ ಪೆಂಡಿಂಗ್ ಇರುತ್ತಾರೆ. ಅದೇ ತರಹ ಜಗದೀಶ್ ಪವರ್ ತಮ್ಮಲ್ಲಿಗೆ ಬಂದ ಜನರ ಪಿಂಚಣಿ ಹಾಗೂ ವಂಶವೃಕ್ಷ ಯಾವುದೇ ಕಡತಗಳನ್ನು ಅನುಮೋದಿಸಲು ವಿಳಂಬ ಮಾಡುತ್ತಾರೆಂದು ಅಖಿಲ ಭಾರತ ಆಂಟಿ ಕರೆಕ್ಷನ್ ಸಮಿತಿ ರಾಜ್ಯ ಜನ ಸಂಪರ್ಕ ಅಧಿಕಾರಿ ಬೀದರ್ ಪಾಲಂ ಗೋಪಾಲ್ ಅವರು ಬಲವಾಗಿ ಆರೋಪಿಸಿ ಅವರನ್ನು ಕೂಡಲೇ ಅವರ ಮೂಲ ಸ್ಥಾನಗಳಿಗೆ ಕಳುಹಿಸಿಕೊಡಬೇಕೆಂದು ಬೀದರ್ ಜಿಲ್ಲಾಧಿಕಾರಿಗಳಿಗೆ ಆಗ್ರಹಿಸಿದ್ದಾರೆ.