राजर्षी शाहू महाराज ज्येष्ठ साहित्यिक व कलाकार सन्मान योजनेसाठी अर्ज प्रक्रिया १ जुलैपासून सुरू

मुंबई, दि. ३ जुलै – महाराष्ट्र शासनाच्या वतीने दरवर्षी दिला जाणारा राजर्षी शाहू महाराज ज्येष्ठ साहित्यिक व कलाकार सन्मान योजना अंतर्गत यावर्षीही ज्येष्ठ साहित्यिक व कलाकारांना दरमहा ₹५००० मानधन देण्यात येणार आहे. योजनेचा लाभ घेण्यासाठी अर्ज करण्याची प्रक्रिया १ जुलै २०२५ ते ३१ जुलै २०२५ या कालावधीत सुरू आहे. इच्छुकांनी https://aaplesarkar.mahaonline.gov.in/en या संकेतस्थळावर अर्ज करावा.

या योजनेअंतर्गत कला व साहित्य क्षेत्रात किमान १५ वर्षे योगदान दिलेल्या ज्येष्ठ कलाकार व साहित्यिकांना लाभ मिळणार आहे. विधवा, परितक्त्या, दिव्यांग व वयोवृद्ध कलाकारांनाही विशेष प्राधान्य दिले जाणार आहे. तसेच अर्जदाराचे वार्षिक उत्पन्न ₹६०,००० पेक्षा कमी असणे आवश्यक आहे. ज्या लाभार्थ्यांना राज्य किंवा केंद्र शासनाच्या कोणत्याही नियमित पेन्शन योजनेचा लाभ मिळत असेल, त्यांना योजनेतून वगळण्यात येईल.

अर्ज करताना आवश्यक कागदपत्रे:
• वयानुसार दाखला
• आधार कार्ड
• उत्पन्नाचा दाखला
• रहिवासी प्रमाणपत्र
• प्रतिभान, पत्नी/पती एकत्रित छायाचित्र (लागू असल्यास)
• बँक पासबुकची प्रत
• अपंगत्व प्रमाणपत्र (लागू असल्यास)
• शासनाचे इतर प्रमाणपत्रे (लागू असल्यास)
• नामांकित संस्था किंवा व्यक्तीकडून शिफारसपत्र (लागू असल्यास)

सर्व इच्छुकांनी आपले अर्ज ३१ जुलै २०२५ पूर्वी ‘आपले सरकार’ पोर्टलवर सादर करावेत, असे आवाहन संयुक्त संचालक, सांस्कृतिक कार्य संचालनालय, मुंबई यांनी केले आहे.