ਜਗਤਾਰ ਸਿੰਘ ਵਪਾਰੀ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਦਸਤਾਰ ਮੁਕਾਬਲੇ ਕਰਵਾਉਣ ਦਾ ਫੈਸਲਾ

ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਖੇਤਰ ਕੋਟਕਪੂਰਾ ਯੂਨਿਟ ਨਾਨਕਸਰ ਵਲੋਂ ਸਵ: ਸ੍ਰ. ਜਗਤਾਰ ਸਿੰਘ ਵਪਾਰੀ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਦਸਤਾਰ ਮੁਥਾਬਲੇ 17 ਨਵੰਬਰ ਦਿਨ ਐਤਵਾਰ ਨੂੰ ਸਵੇਰੇ 11:00 ਵਜੇ ਗੁਰਦਵਾਰਾ ਸਾਹਿਬ ਪਿੰਡ ਨਾਨਕਸਰ, ਜੈਤੋ ਰੋਡ ਕੋਟਕਪੂਰਾ ਵਿਖੇ ਕਰਵਾਏ ਜਾਣਗੇ। ਜਥੇਬੰਦੀ ਦੇ ਬੁਲਾਰੇ ਮੁਤਾਬਿਕ ਬਲਜੀਤ ਸਿੰਘ ਵਪਾਰੀ ਅਤੇ ਸੁਖਦੇਵ ਸਿੰਘ ਨਾਨਕਸਰ ਦੇ ਸਹਿਯੋਗ ਨਾਲ ਕਰਵਾਏ ਜਾਣ ਵਾਲੇ ਉਕਤ ਦਸਤਾਰ ਮੁਕਾਬਲਿਆਂ ਲਈ ਬਕਾਇਦਾ ਨਿਯਮਾ ਅਤੇ ਸ਼ਰਤਾਂ ਦੀ ਪਾਲਣਾ ਕਰਨੀ ਜਰੂਰੀ ਹੋਵੇਗੀ। ਉਹਨਾਂ ਦੱਸਿਆ ਕਿ ਪ੍ਰਾਇਮਰੀ ਪੱਧਰ ਤੋਂ ਸੈਕੰਡਰੀ ਪੱਧਰ ਤੱਕ ਦੇ ਉਕਤ ਮੁਕਾਬਲਿਆਂ ਵਿੱਚ ਸੈਕੰਡਰੀ ਪੱਧਰ ਦੇ 9ਵੀਂ ਤੋਂ 12ਵੀਂ ਜਮਾਤ ਤੱਕ ਦੇ ਮੁਕਾਬਲਿਆਂ ਵਿੱਚੋਂ ਜੇਤੂ ਰਹਿਣ ਵਾਲਿਆਂ ਲਈ ਪਹਿਲਾ ਇਨਾਮ 2100 ਰੁਪਏ, ਦੂਜਾ ਇਨਾਮ 1500 ਰੁਪਏ, ਤੀਜਾ ਇਨਾਮ 1100 ਰੁਪਏ, ਮਿਡਲ ਪੱਧਰ ਦੇ ਛੇਵੀਂ ਤੋਂ ਅੱਠਵੀਂ ਤੱਕ ਦੇ ਜੇਤੂਆਂ ਲਈ ਪਹਿਲਾ ਇਨਾਮ 1100 ਰੁਪਏ, ਦੂਜਾ ਇਨਾਮ 700, ਤੀਜਾ ਇਨਾਮ 500 ਰੁਪਏ। ਇਸੇ ਤਰਾਂ ਪ੍ਰਾਇਮਰੀ ਪੱਧਰ ਦੇ ਜੇਤੂਆਂ ਵਿੱਚੋਂ ਪਹਿਲਾ ਇਨਾਮ 700 ਰੁਪਏ, ਦੂਜਾ ਇਨਾਮ 500 ਰੁਪਏ, ਤੀਜਾ ਇਨਾਮ 300 ਰੁਪਏ ਨਗਦ ਹੋਵੇਗਾ। ਉਹਨਾ ਦੱਸਿਆ ਕਿ ਮੁਕਾਬਲਿਆਂ ਦੌਰਾਨ ਗੁਰੂ ਦਾ ਲੰਗਰ ਅਤੁੱਟ ਵਰਤੇਗਾ। ਉਕਤ ਮੁਕਾਬਲਿਆਂ ਵਿੱਚ ਸਿਰਫ ਫਰੀਦਕੋਟ ਜਿਲੇ ਦੇ ਵਿਦਿਆਰਥੀ ਹੀ ਭਾਗ ਲੈ ਸਕਦੇ ਹਨ।