"भतीजो भूआसा रे सासरे – जसोल गढ़"

बालोतरा {बाड़मेर} जसोल में
मां भटियल स्वरूप कुंवर सा रे दरबार जसोल गढ़ मांय आज मां भटियाणी सा रो भतीज(पोतो) गाजा–बजा रे भेळो मिनखां रे पलकों माथे बैठ ने आयो है।
ओ मां भटियाणी सा रै ऊजळा आशीष रो ही प्रताप है कि आज उणारे पीहर पक्ष सूं उणारो भतीज(पोतो) पूरा भारत मांय मिनखां री जबान माथे चढ़ियोड़ो है।
जिणरे माथा माथे हजार हाथ री धणियाणी मां मोतियांवाळी सा रो सांगों पांग हाथ व्है उणने कुण रोक सके।
मां भटियाणी सा रे जसोल गढ़ दरबार मांय पीढ़ियां स्यूं भटियाणीसा–भटियाणीसा गुंजतो रैयो है,गूंज रह्ये है अर अनंत काळ तांई गुंजतो रैवेला,पण आज उणी जसोल गढ़ मांय मां रे आशीर्वाद सूं उणारे भतीज ने लाड करण वाळो मानखो रात री १२ बजियां री वेळा भाटी–भाटी रे जयकारों री नाद घुरावे अर खुशियां मनावे है।
किणी छाईस बरस रे मोटियार सारूं मिनखां रे अंतस मांय ऐड़ौ लाड –कोड इण बात री ओळख करावै कि ओ मोटियार जलमजात किणी देवसगत रौ अणूतो मोटो आशीर्वाद है।
मां भटियाणी सा मोतियांवाळा जसोल धणियाणी सा ने खम्माघणी अरज करता थकां विणती करूं कै आपरे इण मोटियार‌ भतीज रे माथे हजार हाथां सूं आशीर्वाद राखजो अर इणरे माथे जीत रौ मौड़ बंधाईजो।
जय मां जसोल री धणियाणी सा🙏