*ଗଞ୍ଜେଇ ଜବତ ଜଣେ ଗିରଫ*

ସୁନ୍ଦରଗଡ଼ ଜିଲ୍ଲା ସ୍ଥିତ ରାଜଗାଙ୍ଗପୁର ଅବକାରୀ ବିଭାଗ ପକ୍ଷରୁ କାଲି ସନ୍ଧ୍ୟାରେ ରାଜଗାଙ୍ଗପୁର ସଂଲଗ୍ନ ବାଣ୍ଠୁ ପଡା ଠାରେ ଜନୈକ ବ୍ୟବସାୟୀ ଗଞ୍ଜେଇ ନେଇ ଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ଚଢ଼ାଉ କରି ଗଞ୍ଜେଇ ଜବତ କରି ଆସାମୀକୁ ଗିରଫ କରି କୋର୍ଟ ଚାଲାଣ କରିଥିବା ଜଣା ଯାଇଛି l ରାଜଗାଙ୍ଗପୁର ଅବକାରୀ ଅଧିକାରୀ ସତ୍ୟଜିତ ସାମଲ କୌଣସି ସୂତ୍ରରୁ ଜାଣିବାକୁ ପାଇଲେ ଯେ  ରାଜଗାଙ୍ଗପୁର ବାଣ୍ଟୁ ପଡା ନିବାସୀ ବନମାଳୀ ଦାଶ ଗଞ୍ଜେଇ ନେଇ ବିକ୍ରି କରିବାକୁ ଯାଉଛି l ଖବର ମିଳିବା ମାତ୍ରେ ତୁରନ୍ତ ଅବକାରୀ ଅଧିକାରୀ ସତ୍ୟ ଜିତ ସାମଲଙ୍କ ନେତୃତ୍ୱରେ ଅବକାରୀ ଅଫିସ ର କର୍ମଚାରୀଙ୍କୁ ନେଇ ବାଣ୍ଠୁ ପଡା ରାସ୍ତା ଉପରେ ଜଗି ବସି ବନମାଳୀ ଦାଶଙ୍କ ଆସିବା ରାସ୍ତାକୁ ଚାହିଁ ରହିଥିଲେ । ସେ ଗଞ୍ଜେଇ ନେଇ ଆସିବା ମାତ୍ରେ ତାଙ୍କୁ କାବୁ କରି ତାଙ୍କ ପାଖରେ ଥିବା ୯୨୦ ଗ୍ରାମ ଗଞ୍ଜେଇ କୁ ଜବତ କରି ବନମାଳୀ ଦାଶ ଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣା ଯାଇଛି l 
ରାଉରକେଲା ରୁ ବରିଷ୍ଠ ସାମ୍ବାଦିକ ସଂଜୀବ କୁମାର ପାଢୀଙ୍କ ରିପୋର୍ଟ ।