ਵਿਜੀਲੈਂਸ ਜਾਂਚ ਚੱਲ ਰਹੀ, ਤੇ BJP–Congress- Akalidal ਚੁੱਪ! ਅਰਸ਼ ਸੱਚਰ ਨੇ ਲੋਕ ਸਭਾ ਸਪੀਕਰ ਨੂੰ ਕੀਤਾ ਸਿੱਧਾ ਰੁਖ਼

ਫਰੀਦਕੋਟ 9 December 2025
(ਨਾਇਬ ਰਾਜ)
ਸਮਾਜ ਸੇਵੀ ਅਤੇ ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਲੀਡਰ ਅਰਸ਼ ਸੱਚਰ ਵੱਲੋਂ ਮਾਣਯੋਗ ਲੋਕ ਸਭਾ ਸਪੀਕਰ ਜੀ, ਨਵੀਂ ਦਿੱਲੀ ਨੂੰ ਇੱਕ ਮਹੱਤਵਪੂਰਨ ਪੱਤਰ ਭੇਜਿਆ ਗਿਆ ਹੈ, ਜਿਸ ਵਿੱਚ ਬਾਬਾ ਫਰੀਦ ਯੂਨੀਵਰਸਿਟੀ ਫਰੀਦਕੋਟ ਲਈ ਕਿਸੇ ਵੀ ਨਵੀਂ ਫੰਡਿੰਗ ਜਾਂ ਸਹਾਇਤਾ ਦੇਣ ਤੋਂ ਪਹਿਲਾਂ ਚੱਲ ਰਹੀਆਂ ਵਿਜੀਲੈਂਸ ਜਾਂਚਾਂ ਦੀ ਪੂਰੀ ਸਥਿਤੀ ਸਾਹਮਣੇ ਰੱਖਣ ਅਤੇ ਪਾਰਦਰਸ਼ੀਤਾ ਯਕੀਨੀ ਬਣਾਉਣ ਦੀ ਮੰਗ ਕੀਤੀ ਗਈ ਹੈ।

ਅਰਸ਼ ਸੱਚਰ ਨੇ ਕਿਹਾ ਕਿ ਜਦੋਂ ਕਿ ਫਰੀਦਕੋਟ ਦੇ ਸੰਸਦੀ ਮੈਂਬਰ ਸ਼੍ਰੀ ਸਰਬਜੀਤ ਸਿੰਘ ਖ਼ਾਲਸਾ ਜੀ ਵੱਲੋਂ ਬਾਬਾ ਫਰੀਦ ਯੂਨੀਵਰਸਿਟੀ ਫਰੀਦਕੋਟ ਨੂੰ ਵਧੇਰੇ ਫੰਡ ਰਿਸਰਚ ਸਹਾਇਤਾ ਦੀ ਮੰਗ ਲੋਕ ਸਭਾ ਵਿੱਚ ਉਠਾਈ ਗਈ — ਜੋ ਕਾਬਿਲ-ਏ-ਤਾਰੀਫ਼ ਹੈ — ਪਰ ਯੂਨੀਵਰਸਿਟੀ ਵਿੱਚ ਚੱਲ ਰਹੀਆਂ ਗੰਭੀਰ ਵਿਜੀਲੈਂਸ ਜਾਂਚਾਂ ਨੂੰ ਅਣਦੇਖਾ ਕਰਨਾ ਜਨ-ਹਿਤ ਵਿੱਚ ਨਹੀਂ ਹੈ।

ਉਨ੍ਹਾਂ ਦੱਸਿਆ ਕਿ ਇਸ ਸਮੇਂ ਬਾਬਾ ਫਰੀਦ ਯੂਨੀਵਰਸਿਟੀ ਫਰੀਦਕੋਟ ਪ੍ਰਸ਼ਾਸਨ ਖ਼ਿਲਾਫ਼:

ਆਰਥਿਕ ਬੇਨਿਯਮਿਤਤਾ,ਖਰੀਦ ਪ੍ਰਕਿਰਿਆ ਵਿੱਚ ਅਨਿਯਮਿਤਤਾ,ਪ੍ਰਸ਼ਾਸਕੀ ਗੜਬੜਾਂ ਸਬੰਧੀ ਕਈ ਗੰਭੀਰ ਸ਼ਿਕਾਇਤਾਂ ‘ਤੇ ਪੰਜਾਬ ਸਰਕਾਰ ਦਾ ਵਿਜੀਲੈਂਸ ਵਿਭਾਗ ਜਾਂਚ ਕਰ ਰਿਹਾ ਹੈ।
ਉੱਚ ਅਧਿਕਾਰੀ ਖ਼ਿਲਾਫ਼ LOC ਜਾਰੀ ਹੋਣਾ ਵੀ ਮਾਮਲੇ ਦੀ ਗੰਭੀਰਤਾ ਨੂੰ ਦਰਸਾਉਂਦਾ ਹੈ।


ਸੱਚਰ ਨੇ ਕਿਹਾ:

ਬਾਬਾ ਫਰੀਦ ਯੂਨੀਵਰਸਿਟੀ ਫਰੀਦਕੋਟ ਦਾ ਵਿਕਾਸ ਸਾਡੀ ਪ੍ਰਾਇਰਟੀ ਹੈ, ਪਰ ਇਹ ਵੀ ਯਕੀਨੀ ਬਣਾਉਣਾ ਜਰੂਰੀ ਹੈ ਕਿ ਜਨਤਾ ਦਾ ਪੈਸਾ ਪੂਰੀ ਪਾਰਦਰਸ਼ਤਾ ਨਾਲ ਖਰਚ ਹੋਵੇ। ਫੰਡਿੰਗ ਤਦ ਹੀ ਹੋਵੇ ਜਦੋਂ ਵਿਜੀਲੈਂਸ ਜਾਂਚ ਪੂਰੀ ਹੋ ਜਾਵੇ ਅਤੇ ਜ਼ਿੰਮੇਵਾਰੀਆਂ ਤਹਿ ਹੋ ਜਾਣ।

ਉਨ੍ਹਾਂ ਲੋਕ ਸਭਾ ਸਪੀਕਰ, ਪੰਜਾਬ ਵਿਧਾਨ ਸਭਾ ਸਪੀਕਰ ਅਤੇ ਮੁੱਖ ਮੰਤਰੀ ਜੀ ਪੰਜਾਬ ਨੂੰ ਬੇਨਤੀ ਕੀਤੀ ਹੈ ਕਿ:

1. ਚੱਲ ਰਹੀ ਵਿਜੀਲੈਂਸ ਜਾਂਚ ਦੀ ਪੂਰੀ ਸਥਿਤੀ ਸੰਸਦ ਮੈਂਬਰ ਅਤੇ ਸੰਬੰਧਿਤ ਅਧਿਕਾਰੀਆਂ ਨਾਲ ਸਾਂਝੀ ਕੀਤੀ ਜਾਵੇ।


2. ਬਾਬਾ ਫਰੀਦ ਯੂਨੀਵਰਸਿਟੀ ਫਰੀਦਕੋਟ ਨੂੰ ਨਵੀਂ ਫੰਡਿੰਗ ਜਾਂ ਗਰਾਂਟ ਜਾਰੀ ਕਰਨ ਤੋਂ ਪਹਿਲਾਂ ਖ਼ਾਸ ਆਡਿਟ ਜਾਂ ਅਡਮਿਨਿਸਟ੍ਰੇਟਿਵ ਰਿਵਿਊ ਲਾਜ਼ਮੀ ਕੀਤਾ ਜਾਵੇ।


3. ਯੂਨੀਵਰਸਿਟੀ ਦੇ ਪ੍ਰਸ਼ਾਸਨ ਨੂੰ ਪੂਰੀ ਤਰ੍ਹਾਂ ਪਾਰਦਰਸ਼ੀ ਅਤੇ ਜ਼ਿੰਮੇਵਾਰ ਬਣਾਇਆ ਜਾਵੇ।


ਅਖੀਰ ਵਿੱਚ ਅਰਸ਼ ਸੱਚਰ ਨੇ ਕਿਹਾ:

ਬਾਬਾ ਫਰੀਦ ਯੂਨੀਵਰਸਿਟੀ ਫਰੀਦਕੋਟ ਅਤੇ ਪੂਰੇ ਮਾਲਵਾ ਦੀ ਸਿਹਤ ਅਤੇ ਸਿੱਖਿਆ ਦੀ ਰੀੜ ਦੀ ਹੱਡੀ ਹੈ। ਵਿਕਾਸ ਚਾਹੀਦਾ ਹੈ — ਪਰ ਪਾਰਦਰਸ਼ਤਾ ਤੇ ਜ਼ਿੰਮੇਵਾਰੀ ਤੋਂ ਬਿਨਾਂ ਨਹੀਂ