logo

ਸਰਕਾਰੀ ਹਾਈ ਸਮਾਰਟ ਸਕੂਲ ਪਿਪਲੀ ਨਵੀਂ ਫਰੀਦਕੋਟ ਵਿਖੇ ਮਨਾਇਆ ਗਿਆ ਬੈਗਲੈੱਸ ਡੇ...ਰਵਿੰਦਰ ਕੌਰ, ਨਵਦੀਪ ਸਿੰਘ

ਫਰੀਦਕੋਟ: 29, ਨਵੰਬਰ (ਕੰਵਲ ਸਰਾਂ) ਸਿੱਖਿਆ ਵਿਭਾਗ ਦੀਆਂ ਹਦਾਇਤਾਂ ਦੀ ਪਾਲਣਾ ਕਰਦੇ ਹੋਏ ਸਰਕਾਰੀ ਹਾਈ ਸਮਾਰਟ ਸਕੂਲ ਪਿਪਲੀ ਨਵੀਂ ਫਰੀਦਕੋਟ ਦੇ ਮੁੱਖ ਅਧਿਆਪਕਾ ਸ਼੍ਰੀਮਤੀ ਰਵਿੰਦਰ ਕੌਰ ਪੁਰੀ ਦੇ ਦਿਸ਼ਾ ਨਿਰਦੇਸ਼ਾਂ ਵਿੱਚ ਛੇਵੀਂ ਤੋਂ ਅੱਠਵੀਂ ਜਮਾਤ ਦੇ ਵਿਦਿਆਰਥੀਆਂ ਵਿੱਚ ਰਚਨਾਤਮਕਤਾ, 21ਵੀਂ ਸਦੀ ਦੀਆਂ ਵੱਖ ਵੱਖ ਕੁਸ਼ਲਤਾਵਾਂ ਵਿਕਸਿਤ ਕਰਨ ਅਤੇ ਵੱਖ ਵੱਖ ਵਿਸ਼ਿਆਂ ਵਿੱਚ ਰੁਚੀ ਵਧਾਉਣ ਲਈ ਬੱਚਿਆਂ ਦੇ ਸਰਵਪੱਖੀ ਵਿਕਾਸ ਕਰਨ ਲਈ ਅੱਜ ਸਕੂਲ ਵਿੱਚ ਬੈਗਲੈੱਸ ਡੇ ਮਨਾਇਆ ਗਿਆ । ਅੱਜ ਸਮਾਜਿਕ ਵਿਸ਼ੇ ਨਾਲ ਸੰਬੰਧਿਤ ਦਿਨ ਹੋਣ ਕਰਕੇ ਨਵਦੀਪ ਸਿੰਘ ਸ.ਸ. ਮਾਸਟਰ ਅਤੇ ਜਗਵਿੰਦਰ ਕੌਰ ਸ.ਸ. ਮਿਸਟ੍ਰਸ ਨੇ ਚਾਰਟ, ਮੈਪ, ਗਲੋਬ, ਰੋਲ ਪਲੇਅ, ਰੇਖਾ ਤੋਂ ਕਹਾਣੀ ਬਣਾਉਣਾ, ਸ਼ੁਕਰਾਨੇ ਦਾ ਫੁੱਲ ਗਤੀਵਿਧੀਆਂ ਕਰਵਾਈਆਂ। ਬੱਚਿਆਂ ਨੇ ਵੀ ਇਹਨਾਂ ਗਤੀਆਂਵਿਧੀਆਂ ਵਿੱਚ ਬਹੁਤ ਜਿਆਦਾ ਦਿਲਚਸਪੀ ਲਈ। ਵਾਤਾਵਰਨ ਦੀ ਦੇਖਭਾਲ ਅਤੇ ਹਰਿਆਲੀ ਵਧਾਉਣ ਲਈ ਸਕੂਲ ਵਿੱਚ ਟਰੀਪਲਾਂਟੇਸ਼ਨ ਕੀਤੀ ਗਈ । ਸਕੂਲ ਮੁਖੀ ਰਵਿੰਦਰ ਕੌਰ ਨੇ ਬੱਚਿਆਂ ਨੂੰ ਵੱਧ ਤੋਂ ਵੱਧ ਰੁੱਖ ਲਗਾਉਣ ਅਤੇ ਉਹਨਾਂ ਦੀ ਸਾਂਭ ਸੰਭਾਲ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਮਾਧਵ ਮੁਰਾਰੀ, ਰਮਨਦੀਪ ਕੌਰ, ਅੰਜੂ ਬਾਲਾ, ਬਿੰਦੂ, ਪਰਮਿੰਦਰ ਕੌਰ ਅਧਿਆਪਕ ਅਤੇ ਭਲਵਿੰਦਰ ਕੌਰ ਸੀਨੀਅਰ ਸਹਾਇਕ ਹਾਜ਼ਰ ਸਨ।
ਸਰਕਾਰੀ ਹਾਈ ਸਮਾਰਟ ਸਕੂਲ ਪਿਪਲੀ ਨਵੀਂ ਵਿਖੇ ਟਰੀਪਲਾਂਟੇਸ਼ਨ ਕਰਦੇ ਹੋਏ ਸਕੂਲ ਮੁਖੀ ਸ੍ਰੀਮਤੀ ਰਵਿੰਦਰ ਕੌਰ,ਸਟਾਫ ਮੈਂਬਰ ਅਤੇ ਬੱਚੇ।

16
1082 views