تھانے رابوڑی پولیس اسٹیشن میں" وزٹ مای پولیس اسٹیشن " پروگرام

محمّد جاوید شیخ


ٹھانے پولیس کمشنریٹ کے
تحت رابوڑی پولیس اسٹیشن میں ہفتے کے روز "Visit My Police Station" پروگرام کا انعقاد
کیا گیا۔ اس پروگرام کا مقصد شہریوں کو پولیس کے کام سے براہِ راست جوڑنا، ان کی مشکلات کو سمجھنا اور باہمی اعتماد مضبوط کرنا تھا۔

یہ پروگرام آج 29 نومبر 2025 کو صبح 10 بجے سے دوپہر 4 بجے تک رابوڑی پولیس اسٹیشن کے احاطے میں جاری رہا۔ شمس ا لدین ۔ گھاوٹے ۔ آئیڈیل پرائمری اسکول کے نعیم سر اور مسعود سر اپنی ساتویں جماعت کے چند طلبہ کو یہاں لے کر پہنچے۔ بچوں نے پولیس افسر پاٹل سر سے ملاقات کی، جبکہ دریکر میڈم اور ہیڈ کانسٹیبل ساونت سر نے اسٹیشن کا تفصیلی دورہ کرایا۔ بچوں کو قانون، نظم و نسق اور عوامی تحفظ سے متعلق کئی باتیں قریب سے سمجھائی گئیں۔
افسر پاٹل سر کے مطابق اس طرح کے پروگرام پولیس اور عوام کے درمیان رابطہ آسان بناتے ہیں۔ شہری پولیس کی ذمہ داریوں کو بہتر طریقے سے سمجھتے ہیں اور سیکیورٹی انتظامات پر ان کا بھروسہ مضبوط ہوتا ہے۔