*పేదల పాలిట ఆపద్బాండవం సీఎం సహాయ నిధి* *నందిగామలో 67 మందికి రూ.34.34 లక్షల చెక్కుల పంపిణీ*

ఎన్టీఆర్ జిల్లా నందిగామ నవంబర్ 29 (ఏ ఐ ఎమ్ ఏ న్యూస్)

నందిగామ ఆర్థిక సంక్షోభం నడుమ కూడా పేదల కోసం అనుక్షణం స్పందిస్తున్న కూటమి ప్రభుత్వం—సీఎం సహాయ నిధి ద్వారా ప్రజలకు అండగా నిలుస్తోంది. గత ఏడాదిన్నర కాలంలోనే రూ.3.5 కోట్ల సహాయాన్ని లబ్ధిదారులకు అందజేసినట్లు అధికార వర్గాలు తెలిపాయి. ఈ నేపథ్యంలో శనివారం నందిగామ పట్టణంలో జరిగిన కార్యక్రమంలో ప్రభుత్వ విప్, ఎమ్మెల్యే తంగిరాల సౌమ్య మొత్తం 67 మందిలబ్ధిదారులకు రూ.34,34,792 విలువైన చెక్కులను అందజేశారు.
ఈ సందర్భంగా ఎమ్మెల్యే సౌమ్య మాట్లాడుతూ— “ప్రభుత్వం పేదల పక్షాన కట్టుబడి ఉంది. ఆర్థిక ఇబ్బందులు ఉన్నా, అవసరమైన ప్రతి చోట సీఎం సహాయ నిధి ద్వారా సహాయం అందిస్తాం” అని పేర్కొన్నారు.
వివిధ గ్రామాల నుంచి వచ్చిన లబ్ధిదారులు ఈ సహాయంతో ఆనందం వ్యక్తం చేస్తూ, ప్రభుత్వం మరియు ఎమ్మెల్యే సౌమ్యకు కృతజ్ఞతలుతెలిపారు.
కార్యక్రమంలో మున్సిపల్ చైర్‌పర్సన్ మండవ కృష్ణకుమారి, కూటమి నాయకులు, సహకార సంఘాల చైర్మన్లు, స్థానికప్రజాప్రతినిధులు, పార్టీ కార్యకర్తలు పాల్గొన్నారు. పేదల సంక్షేమం కోసం రాబోయే రోజుల్లో కూడా ఇలాంటి కార్యక్రమాలు కొనసాగుతాయని ప్రభుత్వ వర్గాలు తెలిపాయి.