logo

. नरसिंगराव बोडखे विद्यालय, धोडप बु..... शाळेतील आठवणींना उजाळा देत माजी विद्यार्थ्यांचा स्नेह मेळावा

स्व. नरसिंगराव बोडखे विद्यालय, धोडप बु..... शाळेतील आठवणींना उजाळा देत माजी विद्यार्थ्यांचा स्नेह मेळावा उत्साहात पार पडला. शाळेची स्थापना ऑक्टोबर 2000 साली झाली, तेव्हापासून आज पर्यंत म्हणजे 25 वर्षापासून या शाळेत शिक्षण घेतलेले विद्यार्थी सहभागी झाले होते.
मेळाव्याच्या निमित्ताने परत एकदा शाळेत आलेले सर्व विद्यार्थी आपल्या शाळेच्या आठवणी मध्ये हरवून गेले होते. प्रत्येक विद्यार्थी आपली शाळा कशी आहे हे डोळे भरून पाहत होता. शाळेतील सर्वच मित्र भेटल्याचा आनंद त्यांच्या चेहऱ्यावरून ओसंडून वाहत असल्याचे जाणवत होत.
शाळेचा माजी विद्यार्थी ज्ञानेश्वर सरकटे.... की ज्यांनी आज पाटील कलेक्शन व पाटील बूट हाऊस... म्हणून एक यशस्वी उद्योजक म्हणून नावारूपाला आले त्यांनी अध्यक्ष स्थान स्वीकारल होत. विचार पिठावर संस्थेचे सचिव संतोषराव गायकवाड साहेब, मुख्याध्यापक सज्जनराव बाजड सर, व 25 वर्षापासून शाळेतून घडलेले अनेक विद्यार्थी उपस्थित होते. यावेळेस परमेश्वर निमसाखरे या माजी विद्यार्थ्याने शाळेसाठी पाच हजार रुपये किमतीच्या शिक्षकांसाठी खुर्च्या भेट दिल्या. सोनू जुमडे यांनी शाळेसाठी मोफत पाणी पुरवले.... तसेच भापूर येथील गजानन बोडखे यांनी एक हजार रुपयाची भेट दिली. व एका विद्यार्थ्यांनी नाव न सांगण्याच्या अटीवर पाच हजार रुपयाची भेट दिली.यावेळी सर्व विद्यार्थ्यांनी असे ठरवले की इथून पुढे दरवर्षी माजी विद्यार्थ्यांच्या मेळाव्याचे आयोजन केले जाईल. अनेक विद्यार्थ्यांनी यावेळेस शाळेला आपापल्या परीने कृतज्ञता म्हणून शाळेसाठी भेटरुपी देणगी दिली आहे. कार्यक्रमाचे सूत्रसंचालन श्रीकृष्ण रहाटे यांनी अतिशय सुंदर रित्या केले. व आभार प्रदर्शन दिलीप भिसडे यांनी केले. कार्यक्रमासाठी सर्व शिक्षक व शिक्षकेतर कर्मचाऱ्यांनी यशस्वीरित्या कार्यक्रम पार पाडला.

51
3121 views