રાધનપુરમાં રોડ રીફ્રેસિંગના કામોમાં ભ્રષ્ટાચારના આક્ષેપો ઉછળ્યા, નગરપાલિકાને લેખિત રજૂઆત

રાધનપુર : શહેરના વિવિધ વિસ્તારોમાં ચાલી રહેલા રોડ રીફ્રેસિંગના કામોમાં મોટા પાયે ભ્રષ્ટાચાર થવાના આક્ષેપો સાથે રાધનપુર નગરપાલિકાના ચીફ ઓફિસર તથા નગરપાલિકા પ્રમુખ ભાવનાબેન જોષી ને સ્થાનિક ટીમ દ્વારા લેખિત વાંધો આપવામાં આવ્યો છે. પ્રજાના ટેક્ષના લાખો રૂપિયો બરબાદ થઈ રહ્યો હોવાથી વિરોધ સ્વરૂપે આ રજૂઆતમાં ગંભીર મુદ્દાઓ ઉઠાવવામાં આવ્યા છે.

રજુઆત મુજબ, નગરપાલિકાની હદમાં અલગ–અલગ વોર્ડમાં રોડના કામો ઝડપથી આગળ વધી રહ્યા છે, પરંતુ ક્યાંય પણ પાલિકા એન્જિનર દ્વારા કામ ની ગુણવત્તાની કાળજી લેવામાં આવતી નથી. હલકી ગુણવત્તાના મટિરિયલનો ઉપયોગ થઈ રહ્યો છે યોગ્ય દેખરેખનો અભાવ છે અને મટિરિયલ ટેસ્ટિંગ વિના કામો શરૂ કરાતા પ્રજાના પૈસા નો વેડફાટ થઈ રહ્યો છે. તેવું જણાય છે

વોર્ડ–૩ના ગ્રીન પાર્કમાં હાલ ચાલુ કામ માં ગંભીર ગેરરીતિઓનો આક્ષેપ
બે દિવસ પહેલાં સ્થાનિક રહીસોની ફરિયાદને આધારે ટીમે વોર્ડ–૩ સ્થિત ગ્રીન પાર્ક રોડનું નિરીક્ષણ કર્યું હતું. તપાસ દરમિયાન—

એવું જણાયું કે મટિરિયલ ગુણવત્તા નેવે મૂકી સીસી રોડ બિછાવવામાં આવ્યો હતો

સિમેન્ટ તેમજ કપચીનો અતિ ઓછો ઉપયોગ થયો હતો

રોડની ગુણવત્તા ઘણી નબળી જોવા મળી હતી

આના આધારે કોન્ટ્રાકટર અને સંબંધિત અધિકારીઓ વચ્ચે મિલીભગતની શક્યતા વ્યક્ત કરી, શકાય હોય તો કોન્ટ્રાકટરને બ્લેકલિસ્ટ કરવાની અને બિલ તાત્કાલિક રોકવાની માંગ કરી છે.

શહેરના અનેક વિસ્તારોમાં રોડ–ગટર સમસ્યાઓ વિકરાળ
અરજીમાં શહેરના અન્ય વિસ્તારોના પ્રશ્નો પણ પ્રામાણિક રીતે રજૂ થયા છે —

બિસ્માર રોડ અને અકસ્માતનો ખતરો
મીરાં દરવાજા થી માર્કેટ યાર્ડ
ભંગીવાસ થી પટણી દરવાજા

બાવાગોર દરગાહ માર્ગ

આ વિસ્તારોમાં રોડ તૂટી ગયા છે, ખાડાઓથી આકરાં બન્યા છે અને અકસ્માતો વધવાનો ખતરો છે.

અનેક વિસ્તારો માં ગટર–પાણી ભરાવાની સમસ્યા
ગટરો નિયમિત સાફ ન થતી હોવાને કારણે પાણી ભરાવા અને દુર્ગંધ
રોગચાળો થઈ ફેલાઈ રહ્યો છે

જૂની ગટર લાઈનો તૂટી ગયેલી

ગામ માં વરસાદી પાણી નિકાસની સુવિધા ઉપલબ્ધ કરવા

શહેરના સર્વગ્રાહી વિકાસ અંગે રજૂ કરેલી માંગણીઓ


રજૂઆતમાં નગરપાલિકાને નીચે મુજબની મુખ્ય માંગણી રજુ કરવામાં આવી છે —

તમામ અધૂરાં રોડ–રસ્તા તાત્કાલિક પૂર્ણ કરાય.

સારી ગુણવત્તાના ટકાઉ રોડ બનાવવા માટે મટિરિયલ ચકાસણી ફરજિયાત કરાય.

ધાર્મિક સ્થળો, શાંતિધામ અને મોટા ઠાકોરવાસ થી રેલ્વે સ્ટેશન સુધીનો રસ્તો ડામર રોડ બનાવવામાં આવે.

પાણી સમસ્યાના ઉકેલ માટે નવા બોરવેલ બનાવવામાં આવે.

ગટર–ડ્રેનેજની કાયમી વ્યવસ્થા, જૂની લાઈનો બદલીને નવી ભૂગર્ભ ગટરો બનાવવામાં આવે.

સ્ટ્રીટલાઈટ, પાર્ક, સફાઈ, કચરાની વ્યવસ્થા અને નાળાની નિયમિત દેખરેખ રાખવામાં આવે.

જો કોઈ કાર્યવાહી ન થાય તો મુદ્દો ગાંધીનગર પ્રાદેશિક કમિશનર સમક્ષ અને અદાલતમાં લઈ જવાની રજૂઆતમાં સ્પષ્ટ ચેતવણી આપવામાં આવી છે કે —
જો નગરપાલિકા દ્વારા બિલ ન રોકવામાં આવે અથવા ભ્રષ્ટાચાર બંધ ન થાય તો આ મુદ્દો ગાંધીનગર સુધી અને જરૂરી જણાશે તો અદાલત સુધી લઈ જવામાં આવશે.