भारतीय सैन्यात भरती होऊन गावाचा गौरव वाढवणाऱ्या अमन शेख व स्वप्नील कर्जुलेचा ग्रामपंचायत येथे सत्कार..!

निपाणी वडगाव ग्रामपंचायत येथे गावातील युवक अमन शेख व स्वप्नील कर्जुले भारतीय सैन्यात (Indian Army) भरती झाल्याबद्दल त्यांचा मान्यवरांच्या हस्ते सत्कार करण्यात आला देशसेवेची संधी मिळाल्याने अमन शेख व स्वप्नील कर्जुले यांचे पुष्पगुच्छ देऊन अभिनंदन करण्यात आले.

सत्कार प्रसंगी सरपंच सौ.सवीता देवकर, ग्रामपंचायत सदस्या सौ.मंगल नवगिरे, उपसरपंच जगन्नाथ जाधव, ग्रामविकास अधीकारी प्रशांत दर्शने तसेच मुरली राऊत, भागचंद नवगिरे, योगेश देवकर, फिरोज शेख, सर्जेराव देवकर, विलास जाधव, आबा राऊत, अण्णा मोरे, अक्षय राऊत आदी सदस्य उपस्थित होते.

मान्यवरांनी अमन शेख व स्वप्नील कर्जुले यांना पुढील सेवाकार्यासाठी शुभेच्छा देत, गावातील तरुणांनी देशसेवेसाठी पुढे यावे, असे मत व्यक्त केले.

अमन शेख व स्वप्नील कर्जुले यांच्या यशामुळे निपाणी वाडगाव गावात अभिमानाचे वातावरण पसरले आहे.