ग्रामसेवकावर खुर्ची फेकली, मद्यपीविरोधात गुन्हा दाखल

: कर्जत

नेटकेवाडी ग्रामपंचायत कार्यालयात काम करणाऱ्या ग्रामसेवक अंकुश सूर्यभान मुळे यांच्या दिशेने खुर्ची फेकून जिवे मारण्याची धमकी धमकी दिली, तसेच ग्रामपंचायतीचे रजिस्टर फाडण्यात आले. याप्रकरणी कर्जत पोलिस ठाण्यात एकाविरुद्ध गुन्हा दाखल करण्यात आला आहे.

गुरुवारी (दि. २७) सकाळी १० वाजता संयुक्त ग्रामपंचायत कुंभेफळची मासिक बैठक असल्याने सरपंच व इतर पंच नेटकेवाडी येथील कार्यालयात जमा झाले होते. ही बैठक दुपारी १ वाजता संपली. सरपंच प्रियांका संतोष धुमाळ, ग्रामपंचायत शिपाई परशुराम मच्छिंद्र भोगे, ग्रामरोजगार सेवक राजेश तुकाराम धोदाड हे कार्यालयात हजर असताना, साधारण दीड वाजेच्या सुमारास कानिफनाथ गहिनीनाथ धांडे हा दारूच्या नशेत कार्यालयात आला. त्याने ग्रामसेवक मुळे यांना धमकावत 'मी मागितलेली माहिती मला तू का

देत नाही? असे म्हणत ग्रामसेवकावर खुर्ची फेकली.